كورەيادا مۇسىلمانعا بار جاعداي جاسالعان

2661
Adyrna.kz Telegram

التىنگۇل دۇيسەنوۆا- اتىراۋ ءوڭىرىنىڭ تۋماسى. قازىر كورەيادا ءتىل ۇيرەنىپ ءجۇر. مەكتەپ بىتىرگەن سوڭ ەۋرازيا ۇلتتىق ۋنيۆەرسيتەتىندە وقىعان. ءبىر جىل تۋعان جەرىندە جۇمىس ىستەگەن سوڭ ءوزىن دامىتۋ ءۇشىن شەتەلگە ءبىلىم قۋىپ كەتكەن. التىنگۇلمەن كورەيا تۋرالى، بولاشاققا قۇرعان جوسپارى تۋرالى سويلەستىك.

-1996 جىلى اقپاندا 22 اقپاندا اتىراۋدا ومىرگە كەلدىم. 11-سىنىپتى بىتىرگەن سوڭ ەۋرازيا ۇلتتىق ۋنيۆەرسيتەتىنە گرانتقا ءتۇستىم. وقۋىمدى ءتامامداپ، 1 جىل اتىراۋ قالاسىندا جۇمىس ىستەدىم. قازىر ءتىل ۇيرەنىپ جاتىرمىن.

      -كورەياعا وقۋعا بارۋ تۋرالى وي قالاي تۋىندادى؟

-كىشكەنتاي كەزىمنەن كورەياعا بارۋدى ارماندايتىنمىن. شەتەلدە قالاي قىدىرىپ جۇرگەنىمدى كوز الدىما ەلەستەتىپ، كوپ قيالدايتىنمىن. قازىر سول ارماندارىم ورىندالىپ جاتىر. كورەيا ەلىنە كەتۋدەگى ماقساتىم-ءتىل ۇيرەنۋ. جات ەلدە جۇرگەندە ءوز ەلىنڭنىڭ قادىرىن تۇسىنەسىڭ دەگەن راس ەكەن.

       -قازاقستاننان كەتەردە قيماستىق بولدى ما؟ العاش بارعاندا قانداي قيىندىقتار بولدى؟

-الىپ ۇشقان جاستىقتىڭ بولار،ءدال كەتەتىن كەزدە ەشتەڭە سەزبەدىم. بىراق تابانىم كورەياعا تيگەن كەزدە ەلىمدى قاتتى ساعىندىم. ارادا ءبىر اپتا وتكەن سوڭ جات ەلدە جۇرگەنىمدى، جاقىندارىمنىڭ الىستا قالعانىن ءتۇسىندىم. شىنىمدى ايتسام،العاشىندا ءوزىم ارمانداعان ەلگە  ۇيرەنىسۋ وتە قيىن بولدى. تاعامىنا، حالقىنا، مەنتاليتەتكە جاتىرقاپ قارادىم. ادام بارىنە ۇيرەنەدى ەكەن. قازىر قاتتى قينالىپ جۇرگەن جوقپىن.

         -كورەيامەن كينو ارقىلى تانىستىم دەدىڭىز. كينودان كورگەن كورەيا مەن ءسىز كورگەن كورەيانىڭ ايىرماشىلىعى بار ما ەكەن؟

-ءبارىمىز كورەيانى دورامالار ارقىلى تانيمىز عوي. مەكتەپ كەزىندە كورەي سەريالدارىن كوپ كورەتىنمىن. كورەياعا كەلگەندە سول كورگەن دورمالارىم شىنايى بەينەگە اينالعانداي. ەكراندا شىنايى بەينەگە اينالعانداي. ەكراندا قالاي كورسەتىلدى، ءدال سولاي. ەشقانداي ايىرماشىلىعى جوق. فيلمدەرى مەن سەريالدارى شىنايى تۇسىرىلەدى ەكەن.

       -كورەيلەردىڭ شەتەل ازاماتتارىنا دەگەن كوزقاراسى قانداي ەكەن؟

-ولار باسقا ەلدىڭ ازاماتتارىن ەرەكشە قۇرمەتتەيدى ەكەن. تۇسىنبەي، بىلمەي تۇرعان نارسەلەرىڭدى باپپەن تۇسىندىرەدى. كورەي حالقى وتە ەڭبەكقور، سىپايى،كىشىپەيىل. كورەيا مۇسىلمان مەملەكەتى بولماسا دا، مۇندا مۇسىلمان ادامعا بارلىق جاعداي جاسالعان. مەشىت، حالال دۇكەندەر، تاماقتاناتىن ورىندار- ءبارى بار. ورامالمەن ەمىن-ەركىن جۇرە الاسىز. بارلىعى ءبىر-ءبىرىن قۇرمەتتەيدى. ءتىپتى مەترو، اۆتوبۋسقا مىنەردە، كۇتۋ زالىندا جيناقى، كەزەكتەرىن كۇتىپ، اسىقپاي، ۇلكەن كىسىلەرگە سىپايىلىق تانىتادى.

      -كورەيادان باسقا قاي ەلدەرگە ساياحات جاسادىڭىز؟

-رەسەيدىڭ ۋفا،ۋلان-ۋدە، التاي جەرىندە بولدىم. بۇل ايماقتىڭ تابيعاتى قاتتى ۇنادى. تابيعات زوناسى تايگا بولعاندىقتان، اۋاسى تازا، ۇيقىڭ تەز قانادى،سەرگەك جۇرەسىڭ. سوسىن شىڭعىس حاننىڭ وتانى موڭعوليادا بولدىم. موڭعوليانىڭ حالقى تەك كيىز ۇيدە تۇرادى دەپ ويلاۋشى ەدىم. سويتسەم، ۋلان-باتوردا بيىك عيماراتتار، ءزاۋلىم ۇيلەرى كوپ ەكەن.

      -كورەيا اسحاناسى تۋرالى قانداي پىكىردەسىز؟

-كوبىنە كوكەنىستەرمەن جاسالاتىن ەتسىز تاعام ىشەدى. تاپسىرىس بەرگەندە نەنىڭ ەتى ەكەنىن سۇراپ، انىقتاپ،بايقاپ ءجۇرۋ كەرەك.

      -وتانعا ورالۋ ويىڭىزدا بار ما؟

-ارينە، "وزگە ەلدە سۇلتان بولعانشا، ءوز ەلىندە سۇلتان بول" دەيدى عوي. قازاقستاندى ساعىندىم. ءوز ەلىڭە جەتەرى جوق ەكەن. بۇيىرسا، وقۋىمدى اياقتاعان سوڭ قازاقستانعا قايتىپ بارىپ،جۇمىس ىستەگىم كەلەدى.

 

سۇحباتتاسقان، زارينا يگەنوۆا.

«ادىرنا» ۇلتتىق پورتالى.

پىكىرلەر