Altyngül Düisenova- Atyrau öŋırınıŋ tumasy. Qazır Koreiada tıl üirenıp jür. Mektep bıtırgen soŋ Euraziia Ūlttyq universitetınde oqyǧan. Bır jyl tuǧan jerınde jūmys ıstegen soŋ özın damytu üşın şetelge bılım quyp ketken. Altyngülmen Koreia turaly, bolaşaqqa qūrǧan jospary turaly söilestık.
-1996 jyly aqpanda 22 aqpanda Atyrauda ömırge keldım. 11-synypty bıtırgen soŋ Euraziia Ūlttyq universitetıne grantqa tüstım. Oquymdy tämamdap, 1 jyl Atyrau qalasynda jūmys ıstedım. Qazır tıl üirenıp jatyrmyn.
-Koreiaǧa oquǧa baru turaly oi qalai tuyndady?
-Kışkentai kezımnen Koreiaǧa barudy armandaitynmyn. Şetelde qalai qydyryp jürgenımdı köz aldyma elestetıp, köp qiialdaitynmyn. Qazır sol armandarym oryndalyp jatyr. Koreia elıne ketudegı maqsatym-tıl üirenu. Jat elde jürgende öz elınŋnıŋ qadırın tüsınesıŋ degen ras eken.
-Qazaqstannan keterde qimastyq boldy ma? Alǧaş barǧanda qandai qiyndyqtar boldy?
-Alyp ūşqan jastyqtyŋ bolar,däl ketetın kezde eşteŋe sezbedım. Bıraq tabanym Koreiaǧa tigen kezde elımdı qatty saǧyndym. Arada bır apta ötken soŋ jat elde jürgenımdı, jaqyndarymnyŋ alysta qalǧanyn tüsındım. Şynymdy aitsam,alǧaşynda özım armandaǧan elge üirenısu öte qiyn boldy. Taǧamyna, halqyna, mentalitetke jatyrqap qaradym. Adam bärıne üirenedı eken. Qazır qatty qinalyp jürgen joqpyn.
-Koreiamen kino arqyly tanystym dedıŋız. Kinodan körgen Koreia men sız körgen Koreianyŋ aiyrmaşylyǧy bar ma eken?
-Bärımız Koreiany doramalar arqyly tanimyz ǧoi. Mektep kezınde korei serialdaryn köp köretınmın. Koreiaǧa kelgende sol körgen dormalarym şynaiy beinege ainalǧandai. Ekranda şynaiy beinege ainalǧandai. Ekranda qalai körsetıldı, däl solai. Eşqandai aiyrmaşylyǧy joq. Filmderı men serialdary şynaiy tüsırıledı eken.
-Koreilerdıŋ şetel azamattaryna degen közqarasy qandai eken?
-Olar basqa eldıŋ azamattaryn erekşe qūrmetteidı eken. Tüsınbei, bılmei tūrǧan närselerıŋdı bappen tüsındıredı. Korei halqy öte eŋbekqor, sypaiy,kışıpeiıl. Koreia mūsylman memleketı bolmasa da, mūnda mūsylman adamǧa barlyq jaǧdai jasalǧan. Meşıt, halal dükender, tamaqtanatyn oryndar- bärı bar. Oramalmen emın-erkın jüre alasyz. Barlyǧy bır-bırın qūrmetteidı. Tıptı metro, avtobusqa mınerde, kütu zalynda jinaqy, kezekterın kütıp, asyqpai, ūlken kısılerge sypaiylyq tanytady.
-Koreiadan basqa qai elderge saiahat jasadyŋyz?
-Reseidıŋ Ufa,Ulan-Ude, Altai jerınde boldym. Būl aimaqtyŋ tabiǧaty qatty ūnady. Tabiǧat zonasy taiga bolǧandyqtan, auasy taza, ūiqyŋ tez qanady,sergek jüresıŋ. Sosyn Şyŋǧys hannyŋ otany Moŋǧoliiada boldym. Moŋǧoliianyŋ halqy tek kiız üide tūrady dep oilauşy edım. Söitsem, Ulan-Batorda biık ǧimarattar, zäulım üilerı köp eken.
-Koreia ashanasy turaly qandai pıkırdesız?
-Köbıne kökenıstermen jasalatyn etsız taǧam ışedı. Tapsyrys bergende nenıŋ etı ekenın sūrap, anyqtap,baiqap jüru kerek.
-Otanǧa oralu oiyŋyzda bar ma?
-Ärine, "özge elde sūltan bolǧanşa, öz elınde sūltan bol" deidı ǧoi. Qazaqstandy saǧyndym. Öz elıŋe jeterı joq eken. Būiyrsa, oquymdy aiaqtaǧan soŋ Qazaqstanǧa qaityp baryp,jūmys ıstegım keledı.
Sūhbattasqan, Zarina İGENOVA.
«Adyrna» ūlttyq portaly.
