رۋدنىي قالاسىندا ءورت سوندىرۋشىلەر 9 بالانى ەۆاكۋاتسيالادى، دەپ حابارلايدى «ادىرنا» ءتىلشىسى قوستاناي وبلىسى تجد ءباسپاسوز قىزمەتىنە سىلتەمە جاساپ.
«2020 جىلعى 26 جەلتوقساندا ساعات 15:32-دە رۋدنىي قالاسى 2-ءموسب كەزەكشى پۋلتىنە ءورت تۋرالى قوڭىراۋ كەلىپ ءتۇستى. وقيعا ورنىنا رۋدنىي ق. 2-ءموسب كۇشتەرى مەن قۇرالدارى قۇرامىندا 3 بىرلىك ءورت ءسوندىرۋ تەحنيكاسى مەن جەكە قۇرامنىڭ 13 ادامى شىقتى. قۇتقارۋشىلار كەلگەن كەزدە كىرەبەرىس ىشىنەن قاتتى ءتۇتىن شىعىپ جاتقانى انىقتالعان. 9 قاباتتى تۇرعىن ۇيدە 5 شارشى مەتر الاڭدا تەرەزە جاقتاۋى مەن قوقىس جانىپ جاتقان»،-دەلىنگەن حابارلامادا.
ءورت سوندىرۋشىلەر وقيعا ورنىنان 11-17 جاس ارالىعىنداعى 8 ءبۇلدىرشىن مەن جاسوسپىرىمدەردى ەۆاكۋاتسيالادى. تاعى 23 تۇرعىن كىرەبەرىستەن وزدىگىنەن شىقتى. ءورتتىڭ الدىن الا سەبەبى وتتى ابايسىز قولدانۋدان بولعان.
«ادىرنا» ۇلتتىق پورتالى
