سوڭعى كەزدەرى بەيجىڭدى ءجيى سىناپ جۇرگەن قىتايلىق ميللياردەر دجەك ما جوعالىپ كەتتى دەپ حابارلايدى «ادىرنا» ۇلتتىق پورتالى Newsroom.kz. سايتىنا سىلتەمە جاساپ.
ءبىر كەزدەرى كوممۋنيستىك رەجيمنىڭ سۇيىكتى ادامى بولعان ميللياردەر جوعالىپ كەتكەن سوڭ، ونىڭ فوتوسۋرەتى ءوزى ۇيىمداستىرعان رەاليتي شوۋدىڭ ادىلقازىلار القاسىنىڭ ۆەب-پاراقشاسىنان وشىرىلگەن جانە كەيىنىرەك ول جارنامالىق بەينەروليكتەن دە الىنىپ تاستالعان. وعان قوسا، ادەتتە كۇنىنە بىرنەشە تۆيت جاريالايتىن دجەك مانىڭ Twitter پاراقشاسىندا سوڭعى اپتالاردا بەلسەندىلىك ازايىپ كەتكەن.
Financial Times باسىلىمى دجەك مانىڭ جوعالىپ كەتۋىن ونىڭ قاراشا ايىندا مەملەكەتتىك رەتتەۋشىلەر مەن بانكتەردى سىناعانىمەن بايلانىستىرادى. دجەك مانىڭ سىنىنان كەيىن ونىڭ Ant Group كومپانياسىنىڭ 37 ميللياردتىق اكتسياسى توقتاتىلعان.
ايتا كەتەيىك، وتكەن ايدا بەيجىڭ مونوپوليالىق تاجىريبەگە بايلانىستى دجەك مانىڭ Alibaba كومپانياسىن تەكسەرۋگە العان بولاتىن.
