كەزدەسۋدە ەلباسىعا 2020 جىلى الەۋمەتتىك-ەكونوميكالىق جانە سانيتارلىق-ەپيدەميولوگيالىق احۋالدى تۇراقتاندىرۋ بويىنشا قابىلدانعان شارالاردىڭ ناتيجەسى تۋرالى باياندالدى.
قازاقستاننىڭ تۇڭعىش پرەزيدەنتى 2020 جىلى كوروناۆيرۋس پاندەمياسىنا بايلانىستى ۇكىمەت جۇمىسى كۇردەلى جاعدايدا وتكەنىن ايتتى.
ەلباسى ۇلتتىق ەكونوميكانىڭ تۇراقتىلىعىن ساقتاۋ جانە ستراتەگيالىق دامۋ باعدارلامالارىن ىسكە اسىرۋ جونىندەگى ۇكىمەتتىڭ دەر كەزىندە قابىلداعان شارالارىنا توقتالىپ، نەگىزگى ماكروەكونوميكالىق كورسەتكىشتەردىڭ وسكەنىن اتاپ ءوتتى.
پرەمەر-ءمينيستردىڭ مالىمەتىنە سايكەس، نەگىزگى كاپيتالعا سالىنعان ينۆەستيتسيالار 17 پروتسەنتكە ۇلعايىپ، جۇمىسسىزدىق 5 پروتسەنتتى قۇرادى. جەڭىل ونەركاسىپتە 16 پروتسەنت، فارماتسەۆتيكادا 40 پروتسەنت، ماشينا جاساۋدا 16 پروتسەنت، قۇرىلىستا 12 پروتسەنت جانە باسقا سالالاردا دا ءوسىم بار.
سونداي-اق قازاقستاننىڭ تۇڭعىش پرەزيدەنتىنە ەلىمىز بويىنشا 19 مىڭعا جۋىق جۇمىس ورنىن قۇرۋعا مۇمكىندىك بەرگەن يندۋستريالاندىرۋ كارتاسى اياسىندا جۇزەگە اسىرىلىپ جاتقان جوبالار تۋرالى اقپارات بەرىلدى.
ا.مامين ءوز سوزىندە مەملەكەتتىك ورگانداردىڭ، قوعامدىق ينستيتۋتتاردىڭ بىرلەسكەن ءىس-قيمىلى جانە «Nur Otan» پارتياسىنىڭ بەلسەندى جۇمىسىنىڭ ارقاسىندا قازاقستاندا پاندەميانىڭ جاپپاي ورشۋىنە جول بەرىلمەگەنىن اتاپ ءوتتى.
