«وقجەتپەس» فۋتبول كلۋبىنىڭ ديرەكتورى قايتىس بولدى

7144
Adyrna.kz Telegram

«وقجەتپەس» فۋتبول كلۋبىنىڭ ديرەكتورى ەرلان بوتەمباەۆ مەزگىلسىز قايتىس بولدى، دەپ حابارلايدى «ادىرنا» ءتىلشىسى. قايعىلى حابار كلۋبتىڭ Instagram جەلىسىندەگى رەسمي پاراقشاسىندا جاريالاندى.

«وقجەتپەس» فۋتبول كلۋبىنىڭ ۇجىمى «وقجەتپەس» فۋتبول كلۋبىنىڭ ديرەكتورى بوتەمباەۆ ەرلان دۇيسەنۇلىنىڭ مەزگىلسىز قايتىس بولۋىنا بايلانىستى مارقۇمنىڭ تۋعان-تۋىستارى مەن جاقىندارىنا قايعىرىپ كوڭىل ايتادى»،-دەلىنگەن حابارلامادا.

ەرلان بوتەمباەۆ 1974 جىلدىڭ 17 قاراشاسىندا تۋعان. ششۋچە پەداگوگيكالىق كوللەدجىن «دەنە شىنىقتىرۋ، سپورتتىق كلۋبتار مەن ۇيىرمەلەردى ۇيىمداستىرۋشى»، ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «قۇقىقتانۋ»، «كوكشە» اكادەمياسىن «دەنە شىنىقتىرۋ جانە سپورت» ماماندىقتارى بويىنشا تامامداعان.

اقمولا وبلىسىنىڭ جاستار كۇرەس فەدەراتسياسىنىڭ اتقارۋشى ديرەكتورى، «ارالاس جەكپە-جەك جانە دجيۋ-دجيتسۋ رەسپۋبليكالىق فەدەراتسياسى» قوعامدىق بىرلەستىگىنىڭ سپورت بويىنشا ديرەكتورى، «اقمولا اۋەسقوي بوكس فەدەراتسياسى» قوعامدىق بىرلەستىگىنىڭ ديرەكتورى جانە «بۋراباي» سپورت سارايىنىڭ ديرەكتورى لاۋازىمدارىندا بولدى.

«ادىرنا» ۇلتتىق پورتالى

پىكىرلەر