الماتىدا ەسىرتكى ساتۋمەن اينالىسقان ۇيىمداسقان قىلمىستىق توپ مۇشەلەرى ۇزاق مەرزىمگە باس بوستاندىعىنان ايىرىلدى. بۇل تۋرالى «ادىرنا» ۇلتتىق پورتالى Polisiا.kz - كە سىلتەمە جاساي وتىرىپ حابارلايدى.
ەستەرىڭىزگە سالا كەتەيىك، الماتىداعى ەسىرتكى قىلمىسىمەن كۇرەسۋشىلەر ماقساتتى جەدەل-ىزدەستىرۋ ءىس-شارالارى كەزىندە الماتى قالاسىنىڭ اۋماعىندا “گاشيش” ەسىرتكىسىن ساتۋمەن جانە تاراتۋمەن اينالىسقان قىلمىستىق توپتى اشكەرەلەدى.
– قر قك-ءنىڭ 297-بابى 4-بولىگىمەن تىركەلگەن قىلمىستىق ءىس اياسىندا جۇرگىزىلگەن جەدەل-ىزدەستىرۋ ءىس-شارالارى بارىسىندا ا.ەسىمدى ازاماتتىڭ زاڭسىز الماتى قالاسىنىڭ اۋماعىندا ەسىرتكى زاتتارىن ساتۋ جانە ساقتاۋ ماقساتىندا الماتى قالاسىنىڭ اۋماعىندا ۇيىمداسقان توپ قۇرىپ، وعان جەتەكشىلىك ەتكەندىگى انىقتالدى. بۇل فاكت بويىنشا قر قك-ءنىڭ 262-بابى 1 جانە 2-بولىگى – قىلمىستىق ۇيىمنىڭ ۇيىمداسقان توبىن قۇرۋ جانە باسقارۋ، سونداي-اق ولارعا قاتىسۋ بويىنشا دا قىلمىستىق ىستەر تىركەلدى. ىزدەستىرۋ ءىس-شارالارى جۇرگىزىلگەن جەرلەردە ۇستالعانداردان ءبىر تراۆماتيكالىق تاپانشا، ءبىر تەگىس ۇڭعىلى مىلتىق جانە ولارعا ارنالعان وق-ءدارى، سونىمەن قاتار، جالپى سالماعى 4 كگ 868,38گر ەسىرتكى زاتى “گاشيش” تاركىلەندى، – دەدى الماتى قالالىق پد ەسىرتكى قىلمىستارىنا قارسى كۇرەس باسقارماسىنىڭ باستىعى ەرلان الماعامبەتوۆ.
تەرگەۋ جانە جەدەل-ىزدەستىرۋ ءىس-شارالارى مەن سوت-مەديتسينالىق ساراپتامالار كەشەنىن جۇرگىزگەن ءىس جۇرگىزۋ پروكۋرورلارى توبىنىڭ قاتىسۋىمەن، سونداي-اق، تەرگەۋ باسقارماسى مەن ەسىرتكى قىلمىستارىنا قارسى كۇرەس باسقارماسىنىڭ تاجىريبەلى قىزمەتكەرلەرى اراسىنان قۇرىلعان تەرگەۋ-جەدەل توپتىڭ ۇيلەسىمدى جۇمىسىنىڭ ارقاسىندا بارلىق ۇيىمداسقان قىلمىستىق توپ مۇشەلەرى اشكەرەلەندى، ولاردىڭ قىلمىستىق ارەكەتتەرى دالەلدەندى جانە “ساتۋ كەڭسەلەرى” دەپ اتالاتىن ءدارىحانالار جويىلدى.
– ۇستالعان ادامدارعا قاتىستى قر قك-ءنىڭ 262 بابى 1,2 بولىگى (قۇرۋ جانە باسقارۋ، سونداي-اق ۇيىمداسقان قىلمىستىق توپقا قاتىسۋ) – ەكى قىلمىستىق ءىس، قر قك-ءنىڭ 297-بابى 4-بولىگى (ەسىرتكى ساتۋ) -28 قىلمىستىق ءىس، قر قك-ءنىڭ 287-بابى 2-بولىگى (اتىس قارۋىن زاڭسىز ساقتاۋ) – ءبىر قىلمىس ءىس، قر قك-ءنىڭ 302-بابى 2-بولىگى (ەسىرتكىنى تۇتىنۋ ءۇشىن جەزوكشەلەر ءۇيىن ۇيىمداستىرۋ جانە ۇستاۋ) – ءبىر قىلمىستىق ءىس تىركەلدى.
2020 جىلدىڭ 30 جەلتوقسانىندا الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ قاۋلىسىمەن بارلىق ۇيىمداسقان قىلمىستىق توپ مۇشەلەرى وزدەرىنە قاتىستى ارەكەتتەر ءۇشىن كىنالى دەپ تانىلدى، قىلمىستىق توپتىڭ باسشىسى، ا. ەسىمدى ازاماتقا 17 جىلعا باس بوستاندىعىنان ايىرۋ تۇرىندەگى جازا تاعايىندالدى، قىلمىستىق توپتىڭ قالعان ءتورت مۇشەسى 16 جىلعا باس بوستاندىعىنان ايىرىلدى، – دەدى الماتى قالالىق پوليتسيا دەپارتامەنتى تەرگەۋ باسقارماسى ءبولىمىنىڭ باستىعى ءادىل سالاەۆ.
"ادىرنا" ۇلتتىق پورتالى
فوتو اشىق دەرەككوزدەن الىندى
