م.س. نارىكباەۆ اتىنداعى كازگيۋ ۋنيۆەرسيتەتى جانە «BAQ KASIPODAQ» اراسىندا ءوزارا ىنتىماقتاستىق تۋرالى مەموراندۋمعا قول قويىلدى.
سالتاناتتى راسىمگە كازگيۋ ۋنيۆەرسيتەتىنىڭ باسقارما توراعاسى تالعات نارىكباەۆ جانە «بۇقارالىق اقپارات قۇرالدارى مەن تەلەراديو حابارلارىن تاراتۋ قىزمەتكەرلەرىنىڭ «BAQ KASIPODAQ» سالالىق كاسىپوداعى» توراعاسى زەيىن الىپبەك قاتىستى.
تاراپتار مەموراندۋم اياسىندا سەرىكتەستىك قارىم-قاتىناس ورناتۋعا كەلىستى. سونداي-اق باق وكىلدەرى ءۇشىن ۇيىمداستىرىلاتىن شارالاردى بىرگە وتكىزۋ تۋرالى شەشىم قابىلدادى.
«جۋرناليستەردىڭ كاسىبي دەڭگەيىن كوتەرۋ ءارى ەلىمىزدە سالالىق جۋرناليستيكانى دامىتۋ ماقساتىندا باق وكىلدەرىنە زاڭ، قۇقىق، ەكونوميكا، الەۋمەتتىك سالالار بويىنشا دارىستەر وتكىزۋدى قولعا الدىق. الەۋمەتتىك جاۋاپكەرشىلىكتى سەزىنە وتىرا «BAQ KASIPODAQ» كاسىپوداعىنىڭ مۇشەلەرىنە دە جان-جاقتى، اسىرەسە قۇقىقتىق كومەك كورسەتۋگە دايىنبىز. جۋرناليستەرگە MEDIA CLUB ەسىگى ءاردايىم اشىق، مەموراندۋم اياسىندا يگى ىستەردى جۇزەگە اسىرامىز دەگەن ويدامىن», - دەپ اتاپ ءوتتى كازگيۋ ۋنيۆەرسيتەتىنىڭ باسقارما توراعاسى تالعات نارىكباەۆ.
تاراپتار بىرلەسكەن جوبالار ازىرلەپ، مەديا سالاسى وكىلدەرىنە كاسىبي تۇرعىدا دامىۋىنا ىقپال ەتەتىن ءىس-شارالار وتكىزۋگە نيەتتى.
«بۇل مەموراندۋم «BAQ KASIPODAQ» مۇشەلەرى ءۇشىن، جالپى جۋرناليستەرگە پايدالى دەپ ايتۋعا بولادى. بىرىنشىدەن، جۋرناليستەر وسى ۋنيۆەرسيتەت ماماندارىنان تىكەلەي قۇقىقتىق كەڭەس الا الادى. سونداي-اق ۋنيۆەرسيتەت ءوز تاراپىنان كاسىپوداق مۇشەلەرى مەن جۋرناليستەرگە اعىلشىن تىلىندە سويلەۋ كلۋبىنا، «ZAN&MEDIA» كۋرسىنا تەگىن قاتىسۋعا، ۋنيۆەرسيتەتتەردىڭ باسىمدىقتارىن پايدالانۋ مۇمكىندىگىن ۇسىنىپ وتىر. باق وكىلدەرىنە وسىنداي جاعداي جاساپ وتىرعان ۋنيۆەرسيتەت باسشىلىعىنا ريزاشىلىعىمدى بىلدىرەمىن»,- دەدى كاسىپوداق توراعاسى زەيىن الىپبەك.
