«BAQ KASIPODAQ» múshelerine quqyqtyq kómek kórsetýge daıynbyz - Talǵat Nárikbaev

1865
Adyrna.kz Telegram

M.S. Nárikbaev atyndaǵy KAZGIýÝ Ýnıversıteti jáne «BAQ KASIPODAQ» arasynda ózara yntymaqtastyq týraly memorandýmǵa qol qoıyldy.

Saltanatty rásimge KAZGIýÝ Ýnıversıtetiniń Basqarma tóraǵasy Talǵat Nárikbaev jáne «Buqaralyq aqparat quraldary men teleradıo habarlaryn taratý qyzmetkerleriniń «BAQ KASIPODAQ» salalyq kásipodaǵy» tóraǵasy Zeıin Álipbek qatysty.

Taraptar Memorandým aıasynda seriktestik qarym-qatynas ornatýǵa kelisti. Sondaı-aq BAQ ókilderi úshin uıymdastyrylatyn sharalardy birge ótkizý týraly sheshim qabyldady.

«Jýrnalısterdiń kásibı deńgeıin kóterý ári elimizde salalyq jýrnalıstıkany damytý maqsatynda BAQ ókilderine zań, quqyq, ekonomıka, áleýmettik salalar boıynsha dárister ótkizýdi qolǵa aldyq. Áleýmettik jaýapkershilikti sezine otyra «BAQ KASIPODAQ» kásipodaǵynyń múshelerine de jan-jaqty, ásirese quqyqtyq kómek kórsetýge daıynbyz. Jýrnalısterge MEDIA CLUB esigi árdaıym ashyq, memorandým aıasynda ıgi isterdi júzege asyramyz degen oıdamyn», - dep atap ótti KAZGIýÝ Ýnıversıtetiniń Basqarma tóraǵasy Talǵat Nárikbaev.

Taraptar birlesken jobalar ázirlep, medıa salasy ókilderine kásibı turǵyda damyýyna yqpal etetin is-sharalar ótkizýge nıetti.

 «Bul memorandým «BAQ KASIPODAQ» músheleri úshin, jalpy jýrnalısterge paıdaly dep aıtýǵa bolady. Birinshiden, jýrnalıster osy ýnıversıtet mamandarynan tikeleı quqyqtyq keńes ala alady. Sondaı-aq ýnıversıtet óz tarapynan kásipodaq músheleri men jýrnalısterge aǵylshyn tilinde sóıleý klýbyna, «ZAN&MEDIA» kýrsyna tegin qatysýǵa, ýnıversıtetterdiń basymdyqtaryn paıdalaný múmkindigin usynyp otyr. BAQ ókilderine osyndaı jaǵdaı jasap otyrǵan ýnıversıtet basshylyǵyna rızashylyǵymdy bildiremin»,- dedi kásipodaq tóraǵasy Zeıin Álipbek.

 

Pikirler