جامبىل وبلىسىندا پوليتسەي قىزمەتتىك كولىگىمەن جاياۋ جۇرگىنشىنى قاعىپ كەتتى، دەپ حابارلايدى «ادىرنا» ءتىلشىسى «كتك» تەلەارناسىنا سىلتەمە جاساپ.
قاتتى سوققىدان 48 جاستاعى ايەل سول ساتتە جان تاپسىرعان. وقيعا كۋاگەرلەرى قايعىلى جاعدايعا سەبەپكەر بولعان ءتارتىپ ساقشىسى وقيعا ورنىنان قاشىپ كەتتى دەگەن ەدى. الايدا پوليتسيا دەپارتامەنتى بۇل اقپاراتتى تەرىسكە شىعاردى.
كۋاگەرلەر «جۇرگىزۋشى ماس بولعان، ءارى ءوزىنىڭ پوليتسيادا ىستەيتىنىن جاسىرۋ ءۇشىن قىزمەتتىك كولىگىنىڭ مەملەكەتتىك ءنومىرىن شەشىپ اكەتتى» دەپ دابىل قاققان. الايدا پوليتسيا دەپارتامەنتى بۇل اقپاراتتى تەرىسكە شىعاردى. ولاردىڭ سوزىنشە، قاراڭعى كوشەدە جولعا اتىپ شىقان جۇرگىنشىنى اعا لەيتەنانت ابايسىزدا تاپتاپ وتكەن. قازىر جول اپاتىنا قاتىستى سوتقا دەيىنگى تەرگەۋ باستالدى. وبلىستىق پوليتسيا دەپارتامەنتى «كۇدىكتى جازاسىز قالمايدى» دەپ سەندىردى.
«پوليتسيا قىزمەتكەرى قازىر ۋاقىتشا ۇستاۋ يزولياتورىندا. مەديتسينالىق كۋالاندىرۋ قورىتىندىسىنا ساكەس، 25 جاستاعى پوليتسەيدىڭ ىشىمدىك ىشپەگەنى جانە ەسىرتكى قولدانباعانى انىقتالدى. قازىر جان-جاقتى تەرگەپ-تەكسەرۋ باستالدى. بارلىق بەينەباقىلاۋ كامەرالارىنداعى جازبا الىنىپ، ساراپتاما تاعايىندالدى»،-دەدى جامبىل وبلىستىق پد ءباسپاسوز حاتشىسى گۇلسارا مۇحتارقۇلوۆا.
«ادىرنا» ۇلتتىق پورتالى
