وسكەمەندىك كوپبالالى انالار دا وتباسىنداعى زورلىق-زومبىلىققا قارسى زاڭ جوباسىنا نارازىلىقتارىن ءبىلدىردى دەپ حابارلايدى Stan.kz اقپارات اگەنتتىگى 31 ارنانىڭ
كوپبالالى انالار باس كوتەردى
21.01.2021
2463
قالا اكىمدىگىنە بارعان انالار جاڭادان سايلانعان دەپۋتاتتارعا ءۇمىت ارتىپ كەلىپتى. الايدا دەپۋتاتتار پىكىرلەرىڭدى "بىزگە جازىپ اكەلىپ بەرىڭدەر" دەگەن، اشۋلانعان كوپشىلىك پوشتاشىنىڭ قىزمەتىن اتقارماڭدار دەپ شارت قويدى. ءوتىنىش يەلەرى بىرنەشە كۇن بويى جالىنىپ ءجۇرىپ، ارەڭ دەگەندە اكىمدىككە كىرگەن. ال دەپۋتاتتاردىڭ ءبىرى ءتىپتى "تۇسكى اسىمىزدى ىشكىزبەدىڭىزدەر" دەپ وكپەلەپ قالعان.
كوپبالالى انالار تالقىلانىپ جاتقان تۇرمىستىق زورلىق-زومبىلىققا قارسى ءىس-قيمىل تۋرالى زاڭعا بايلانىستى دەپۋتاتتارمەن كەزدەسپەك بولعانىنا بىرنەشە كۇن بولعان. جينالعانداردىڭ ايتۋىنشا، العاشىندا، ءماسليحاتتىڭ ءبىرىنشى سەسسياسى ناۋرىزدا وتەتىنىن ايتىپ، دەپۋتاتتار كەزدەسپەۋگە تىرىسقان. بىراق ءتۇرلى سىلتاۋ ايتىلعانىنا قاراماستان انالار شەنەۋنىكتەردى كەزدەسۋگە كوندىرگەن. قويعان تالاپتارى دا - بىرەۋ، بۇل زاڭدى قابىلداتپاۋ.
ء"بىزدىڭ مەملەكەتىمىزگە كەرەك ەمەس زاڭ. اڭگىمەنىڭ قىسقاسى وسى. ونى تالقىلاي بەرەتىن، تالقىلاي بەرەتىن، ءبىر-بىرىمىزگە جازىپ اپاراتىن ەمەس", - دەدى "ۇيلەسىم" انالار قوعامىنىڭ جەتەكشىسى گۇلجامال بەرشىمبەكوۆا.
گۇلجامال بەرشىمبەكوۆا سەنىم ارتىپ كەلگەن دەپۋتاتتارى ۇسىنىستارىڭدى جازىپ اكەلىڭدەر دەگەننەن كەيىن وسىلاي كۇيىندى. ءوتىنىش يەلەرىنىڭ ءبارى دە "ەگەر ءوزىمىز جازساق، دەپۋتاتتاردىڭ كەرەگى نە" دەگەن ساۋالدى دەپۋتاتتاردىڭ وزىنە قويدى.
"جازىڭىزدار ۇسىنىس ءبىز ارى قاراي جىبەرەمىز دەيسىزدەر. سوندا سىزدەر پوشتاشىنىڭ قىزمەتىن اتقارىپ وتىرسىزدار ما؟! سىزدەر، ءبىز نەگە حالىق اركەز بولىپ بىتكەننەن كەيىن شۋلايسىزدار؟ ا وسىلاي ەكەن عوي دەپ. سوندا قالاي؟", - دەدى كوپبالالى انا گۇلنار مايەمەروۆا.
Басқалармен бөлісе отырыңыз
پىكىرلەر
