Köpbalaly analar bas köterdı

Öskemendık köpbalaly analar da otbasyndaǧy zorlyq-zombylyqqa qarsy zaŋ jobasyna narazylyqtaryn bıldırdı dep habarlaidy Stan.kz aqparat agenttıgı 31 arnanyŋ "İnformbiuro" jaŋalyqtar baǧdarlamasyna sılteme jasap. Qala äkımdıgıne barǧan analar jaŋadan sailanǧan deputattarǧa ümıt artyp kelıptı. Alaida deputattar pıkırlerıŋdı "bızge jazyp äkelıp berıŋder" degen, aşulanǧan köpşılık poştaşynyŋ qyzmetın atqarmaŋdar dep şart qoidy. Ötınış ielerı bırneşe kün boiy jalynyp jürıp, äreŋ degende äkımdıkke kırgen. Al deputattardyŋ bırı tıptı "tüskı asymyzdy ışkızbedıŋızder" dep ökpelep qalǧan. Köpbalaly analar talqylanyp jatqan tūrmystyq zorlyq-zombylyqqa qarsy ıs-qimyl turaly zaŋǧa bailanysty deputattarmen kezdespek bolǧanyna bırneşe kün bolǧan. Jinalǧandardyŋ aituynşa, alǧaşynda, mäslihattyŋ bırınşı sessiiasy nauryzda ötetının aityp, deputattar kezdespeuge tyrysqan. Bıraq türlı syltau aitylǧanyna qaramastan analar şeneunıkterdı kezdesuge köndırgen. Qoiǧan talaptary da - bıreu, būl zaŋdy qabyldatpau. "Bızdıŋ memleketımızge kerek emes zaŋ. Äŋgımenıŋ qysqasy osy. Ony talqylai beretın, talqylai beretın, bır-bırımızge jazyp aparatyn emes", - dedı "Üilesım" analar qoǧamynyŋ jetekşısı Güljamal Berşımbekova. Güljamal Berşımbekova senım artyp kelgen deputattary ūsynystaryŋdy jazyp äkelıŋder degennen keiın osylai küiındı. Ötınış ielerınıŋ bärı de "eger özımız jazsaq, deputattardyŋ keregı ne" degen saualdy deputattardyŋ özıne qoidy. "Jazyŋyzdar ūsynys bız ary qarai jıberemız deisızder. Sonda sızder poştaşynyŋ qyzmetın atqaryp otyrsyzdar ma?! Sızder, bız nege halyq ärkez bolyp bıtkennen keiın şulaisyzdar? A osylai eken ǧoi dep. Sonda qalai?", - dedı köpbalaly ana Gülnar Maiemerova.