ءبىلىم سالاسىنداعى وزەكتى ماسەلەلەر

1051

«ADAL BILIM» جوبالىق كەڭسەسىنىڭ ەكس-باسشىسى تالعات نارىكباەۆ قازاقستاندىق ءبىلىم جانە عىلىم سالاسىنداعى وزەكتى ماسەلەلەردى اتادى. ءوزىنىڭ Facebook پاراقشاسىندا سىبايلاس جەمقورلىققا قارسى كۇرەس بويىنشا اتقارعان ماڭىزدى ىستەرى جايلى جازدى.

تالعات نارىكباەۆتىڭ ايتۋىنشا، جوعارى، تەحنيكالىق جانە كاسىپتىك ءبىلىم سالاسىنداعى مەملەكەتتىك تاپسىرىستىڭ تيىمسىزدىگى – قازىرگى تاڭداعى وزەكتى ماسەلەردىڭ ءبىرى. ەكس-باسشى وسى ۋاقىتقا دەيىن جوعارى وقۋ ورىندارىنا بولىنگەن قارجىنىڭ نەگىزدىلىگىن تەكسەرۋگە مۇمكىندىك بولماعانىن ايتادى. سونداي-اق «ADAL BILIM» جۇمىسى ناتيجەلەرىنىڭ ىشىندە جوو-لار اراسىنداعى «ستيپەنديالىق قوردى» ءبولۋ الگوريتمىن وزگەرتكەنىن دە اتاپ ءوتتى.

«ADAL BILIM» جوبالىق كەڭسەسى كوللەدجدەردە تالاپكەرلەردى قابىلداۋ مەن ولاردىڭ اراسىندا مەملەكەتتىك گرانتتاردى ءبولۋ بارىسىندا سىبايلاس جەمقورلىق ارەكەتتەرىن انىقتادى. ەندى تجكب سالاسىنداعى مەملەكەتتىك ءبىلىم بەرۋ تاپسىرىسىن تاراتۋ ءتارتىبى وزگەرتىلىپ، باقىلاۋ ورتالىقتاندىرىلادى.سونىمەن قاتار «ستيپەنديالىق قوردىڭ» قاراجاتى  جوعارى وقۋ ورىندارىنا ولاردىڭ قاتىسۋىنسىز، اۆتوماتتى تۇردە بولىنەتىن بولادى», – دەپ باياندايدى ول.

جازبا سوڭىندا تالعات نارىكباەۆ نۇر-سۇلتان قالاسى ماسليحاتىنداعى دەپۋتاتتىق قىزمەتىندە ەلوردامىزدىڭ ءبىلىم بەرۋ، قوعامدىق قاۋىپسىزدىك (قۇقىقتىق ءتارتىپ) جانە دەنساۋلىق ساقتاۋ سالالارىن دامىتۋعا كوڭىل بولەتىنىن ايتتى.

«ADAL BILIM» جوبالىق كەڭسەسىنىڭ ءباسپاسوز قىزمەتى.

 

 

پىكىرلەر
رەداكتسيا تاڭداۋى