«ADAL BILIM» jobalyq keńsesiniń eks-basshysy Talǵat Nárikbaev qazaqstandyq bilim jáne ǵylym salasyndaǵy ózekti máselelerdi atady. Óziniń Facebook paraqshasynda sybaılas jemqorlyqqa qarsy kúres boıynsha atqarǵan mańyzdy isteri jaıly jazdy.
Talǵat Nárikbaevtyń aıtýynsha, joǵary, tehnıkalyq jáne kásiptik bilim salasyndaǵy memlekettik tapsyrystyń tıimsizdigi – qazirgi tańdaǵy ózekti máselerdiń biri. Eks-basshy osy ýaqytqa deıin joǵary oqý oryndaryna bólingen qarjynyń negizdiligin tekserýge múmkindik bolmaǵanyn aıtady. Sondaı-aq «ADAL BILIM» jumysy nátıjeleriniń ishinde JOO-lar arasyndaǵy «stıpendııalyq qordy» bólý algorıtmin ózgertkenin de atap ótti.
«ADAL BILIM» jobalyq keńsesi kolledjderde talapkerlerdi qabyldaý men olardyń arasynda memlekettik granttardy bólý barysynda sybaılas jemqorlyq áreketterin anyqtady. Endi TjKB salasyndaǵy memlekettik bilim berý tapsyrysyn taratý tártibi ózgertilip, baqylaý ortalyqtandyrylady.Sonymen qatar «stıpendııalyq qordyń» qarajaty joǵary oqý oryndaryna olardyń qatysýynsyz, avtomatty túrde bólinetin bolady», – dep baıandaıdy ol.
Jazba sońynda Talǵat Nárikbaev Nur-Sultan qalasy máslıhatyndaǵy depýtattyq qyzmetinde elordamyzdyń bilim berý, qoǵamdyq qaýipsizdik (quqyqtyq tártip) jáne densaýlyq saqtaý salalaryn damytýǵa kóńil bóletinin aıtty.
«ADAL BILIM» jobalyq keńsesiniń baspasóz qyzmeti.
