Preprint – بۇل رەتسەنزيالاناتىن عىلىمي جۋرنالدا جارىق كورەتىن عىلىمي ماقالانىڭ جاريالانباي تۇرعان ۋاقىتتاعى نۇسقاسى، ءبىر سوزبەن ايتساق، قولجازبا تۇرىندەگى تۇپنۇسقاسى. عىلىمي ماقالانىڭ Preprint نۇسقاسى ماقالا جاريالانعانعا دەيىن نەمەسە جاريالانعاننان كەيىن، ءتىپتى تۇزەتىلىپ، قاتەلەر قارالعان نۇسقاسى تۇرىندە دە قولجەتىمدى بولۋى مۇمكىن.
عىلىمي ماقالانىڭ Preprint باسىلىمى سيرەك كەزدەسەدى. الايدا جۇمىستىڭ ناتيجەلەرى، تۇجىرىمدامالارى ناقتىلاۋ بارىسىندا اۆتور عىلىمي ورتانى ءوزىنىڭ تالداۋىمەن تانىستىرعىسى كەلگەن ماقساتتا بۇل وتە قۇندى. سەبەبى Preprint نۇسقاسى اۆتوردىڭ ءوز سالاسىنىڭ جەتىك مامانى ەكەندىگىن كورسەتەدى.
Preprint سونىمەن قاتار، رەتسەنزيالاناتىن عىلىمي بازالاردا عىلىمي ماقالا، عىلىمي مونوگرافيالار جارىق كورگەنگە دەيىن ۇسىنىلاتىن شاعىن كولەمدەگى زەرتتەۋ دەسەك تە بولادى. مۇنداي Preprint نۇسقالار رەداكتسيالاۋدان وتپەيدى، سوندىقتان گرامماتيكالىق، پۋنكتۋاتسيالىق قاتەلەر دە بولۋى مۇمكىن.
Preprint ەگەر ە-Preprint دەپ اتالسا، بۇل ونىڭ ينتەرنەتتە ورنالاستىرىلعان ەلەكتروندى نۇسقاسى دەپ تانۋىمىز كەرەك.
رەتسەنزيالاناتىن عىلىمي ماقالاڭىز جارىق كورگەنگە دەيىن Preprint نۇسقاسىن جاريالاساڭىز، Scopus –تا ونى ماقالاڭىزدىڭ تۇپنۇسقاسى رەتىندە تىركەپ قويۋعا بولادى.
بۇدان بىلاي 2017 جىلدان بەرى قاراي جاريالانعان Scopus –تاعى ماقالالارىڭىزدىڭ Preprint نۇسقاسى اتالعان بازادا انىق كورىنىپ تۇراتىن بولادى. ارينە، ول جاريالانعان بولسا...
عىلىمي ماقالانىڭ Preprint نۇسقاسىن ۇسىنۋ اكادەميالىق ورتادا ماڭىزدى ما؟ وتە ماڭىزدى.
عىلىمي زەرتتەۋىنىڭ Preprint نۇسقاسىن ەركىن تالقىلاۋعا ۇسىنعان عالىم زەرتتەۋ سالاسى بويىنشا الەمنەن ءوز ورنىن الىپ قانا قويماي، ءوز ەلىنىڭ عىلىمىن الدىڭعى ورىنعا شىعارۋ مۇمكىندىگى بار.
