ءومىر ءسۇرۋ جاسىمىز ۇزارۋدا

2021 جىلى قازاقستاندىقتاردىڭ ءومىر ءسۇرۋ ۇزاقتىعى 73,3 جاسقا ۇلعايتىلادى. بۇل تۋرالى ۇكىمەتتىڭ كەڭەيتىلگەن وتىرىسىندا پرەمەر-مينيستر اسقار مامين ايتتى، دەپ حابارلايدى «ادىرنا» ۇلتتىق پورتالى قازاقپارات تىلشىسىنە سىلتەمە جاساپ. «وتاندىق دەنساۋلىق ساقتاۋ جۇيەسىن ماتەريالدىق-تەحنيكالىق جانە كادرلىق قامتاماسىز ەتۋدى كۇشەيتۋ بويىنشا شارالار قابىلدانۋدا. حالىققا ەرىكتى نەگىزدە، تەگىن كوروناۆيرۋسقا قارسى ۆاكتسيناتسيا جاساۋ قامتاماسىز ەتىلەدى. ۇلتتىق سانيتاريالىق-ەپيدەميولوگيالىق قىزمەتتىڭ رەفورماسى جانە تسيفرلاندىرۋى جۇرگىزىلەدى. وڭىرلەردە مەديتسينالىق كومەكتىڭ قولجەتىمدىلىگى ارتادى»، - دەدى ول. ونىڭ ايتۋىنشا، اۋداندىق اۋرۋحانالار مەن پەرزەنتحانالاردا مەديتسينالىق جابدىقپەن قامتاماسىز ەتىلۋ دەڭگەيى 70 پايىزعا جەتكىزىلەدى. 33 فەلدشەرلىك-اكۋشەرلىك جانە مەديتسينالىق پۋنكت اشۋ، 2 عىلىمي ورتالىق پەن 8 كوپسالالى اۋرۋحانا سالۋ جوسپارلانعان. «باستاپقى مەديتسينالىق-سانيتارلىق كومەكتىڭ پروگرەسسيۆتى مودەلىن جاساۋ جالعاسادى. جالپى قابىلدانعان شارالار بولجامدى ءومىر ءسۇرۋ ۇزاقتىعىن 2021 جىلى 73,3 جاسقا ۇلعايتۋعا مۇمكىندىك بەرەدى»، - دەدى ۇكىمەت باشسىسى.