الماتى وبلىسى تالعار اۋدانىنىڭ اكىمى سەرىكجان ەرەكەشەۆ پارا الدى دەگەن كۇدىكپەن ۇستالدى، دەپ حابارلايدى «ادىرنا» ءتىلشىسى.
بۇعان دەيىن سەرىكجان ەرەكەشەۆتى تكش ءبولىمىنىڭ ورىنباسارى جانە باستىعىمەن بىرگە ۇستاعانى حابارلانعان ەدى. شەنەۋنىكتەر مەردىگەر ۇيىم ديرەكتورىنان ورىندالعان جۇمىستار اكتىسىنە قول قويعانى ءۇشىن 10 ميلليون تەڭگە پارا الدى دەگەن كۇدىككە ءىلىندى.
«الماتى وبلىسى بويىنشا سىبايلاس جەمقورلىققا قارسى قىزمەت تالعار اۋدانى اكىمدىگىنىڭ لاۋازىمدى تۇلعالارىنا قاتىستى پارا الۋ فاكتىسى بويىنشا سوتقا دەيىنگى تەرگەۋ جۇرگىزىپ جاتقانىن حابارلايمىز. تالعار اۋدانىنىڭ اكىمىنە قاتىستى تەرگەۋ سوتى "كۇزەتپەن ۇستاۋ" بۇلتارتپاۋ شاراسىن سانكتسيالادى. سوتقا دەيىنگى تەرگەۋدىڭ وزگە دە دەرەكتەرى جاريا ەتۋگە جاتپايدى»،- دەدى ۆەدومستۆودا.
«ادىرنا» ۇلتتىق پورتالى
