الماتى وبلىسىندا جەڭىل اۆتوكولىك جۇك كولىگىمەن سوقتىعىستى. جول اپاتىنان جەتى ادام كوز جۇمدى، دەپ حابارلايدى "ادىرنا" ۇلتتىق پورتالى الماتى وبلىسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
قايعىلى وقيعا 14 اقپاندا "الماتى – وسكەمەن" اۆتوجولىنىڭ 342 شاقىرىمىندا بولدى.
"الدىن الا بولجام بويىنشا، " Nissan Qashai" جۇرگىزۋشىسى رولگە يە بولا الماي، جول جيەگىندە تۇرعان Volvo جۇك كولىگىمەن سوقتىعىسقان", - دەپ مالىمدەدى پوليتسيا دەپارتامەنتىنىڭ ءباسپاسوز قىزمەتىنەن.
وقيعا ورنىندا التى ادام كوز جۇمعان، تاعى ءبىر ادام اۋرۋحاناعا بارار جولدا جان تاپسىردى. قازا بولعانداردىڭ اتى-ءجونى ازىرگە انىقتالىپ جاتىر.
"جول اپاتىنان جەتى ادام ("Nissan" جۇرگىزۋشىسى مەن 4 جولاۋشى، سونداي-اق، "Volvo" جۇرگىزۋشىسى مەن 1 جولاۋشى) قازا تاپتى. وقيعا ورنىنا پوليتسيا دەپارتامەنتىنىڭ قىزمەتكەرلەرى مەن اقسۋ اۋداندىق پوليتسيا ءبولىمىنىڭ جەدەل تەرگەۋ توبى اتتاندى",- دەدى پوليتسيادان.
قىلمىستىق كودەكستىڭ 345-بابى بويىنشا (كولiك باسقاراتىن ادامداردىڭ جول ءجۇرىسى نەمەسە كولiك پايدالانۋ قاعيدالارىن بۇزۋى) تەرگەۋ باستالدى.
الماتى وبلىسىنىڭ پوليتسياسى مارقۇمداردىڭ وتباسىنا كوڭىل ايتتى.
