كەيكى باتىردىڭ سۇيەگىن ەلگە اكەلگەننەن كەيىن، ونى ماجارستانعا اكەتكەن بولاتىن. قازىرگى تاڭدا ماجار عالىمدارى باتىردىڭ باس سۇيەگىن قالپىنا كەلتىرۋ جۇمىستارىن اياقتادى. ساراپتاما ناتيجەسىندە ونىڭ قايتىس بولعان كەزدەگى جاسىن انىقتادى.
جولت بيرو، انتروپولوگ:
- ءبىز كەيكى باتىردىڭ قالاي قايتىس بولعانىن تاريحتان بىلەمىز. ال ءبىزدىڭ جاساعان ساراپتامادان ونىڭ قانداي جاراقاتتار العانىن كورۋگە بولادى. ونى جەلكەسىنەن مەتالدان جاسالعان زاتپەن كەم دەگەندە جەتى رەت ۇرعاننان سۇيەگى سىنىپ كەتكەن. رەنگتەننەن جاراقاتتاردىردىڭ بارلىعى كورىنىپ تۇر. قازاقستانعا وسىنداي حالىق باتىرلارى كەرەك. سەبەبى، ەڭ اۋىر كەزەڭدە ول ەشكىمنەن قورىقپاي، ناعىز باتىر ەكەنىن كورسەتتى. كەيكى باتىردىڭ كەلبەتى دايىن بولعاندا ونى وقۋلىقتاردا جانە تاريحي كىتاپتاردا بەينەلەۋگە بولادى.
بەلگىلى تاريحشى بەرىك ابدىعالي كەيكى باتىردىڭ ەلگە كەلۋىن، ۇلت-ازاتتىق كوتەرىلىستىڭ 100 جىلدىعى قارساڭىنداعى ۇلكەن جەتىستىك دەپ باعالايدى.
ادىرنا
