الماتى وبلىسىندا قحر-دان كەلگەن قازاقستاندىقتار الەۋمەتتىك تولەم الۋ ءۇشىن جالعان قۇجاتتاردى پايدالانعان, - دەپ حابارلايدى, Tengrinews.kz ءتىلشىسى قارجى مونيتورينگى اگەنتتىگىنە سىلتەمە جاساپ.
ءىستى الماتى وبلىسى بويىنشا ەتد جانە ەڭبەكشىقازاق اۋدانى پروكۋراتۋراسىنىڭ قىزمەتكەرلەرى تەرگەگەنى حابارلاندى. ولار قحر-دان كەلگەن قازاقستان ازاماتتارىنا الەۋمەتتىك جانە زەينەتاقى تولەمدەرىن الۋعا قۇقىق بەرەتىن جالعان قۇجاتتاردى دايىنداۋمەن جانە وتكىزۋمەن اينالىساتىن ادامدار توبىن اشكەرەلەدى.
"تەكسەرۋ بارىسىندا قحر-دىڭ ءتۇرلى ۇيىمىنىڭ ءمورتاڭباسى مەن مورلەرىنىڭ جالعان بەدەرلەرى، نوتاريۋستىڭ ءمورى مەن قولى بار نوتارياتتىق بلانكىلەر، كەسۋگە ارنالعان ستانوك جانە باسقا دا زاتتار تابىلدى جانە تاركىلەندى. ولاردىڭ كومەگىمەن ءارتۇرلى جالعان قۇجات جاسالعان: ەڭبەك كىتاپشالارى، تۋ تۋرالى كۋالىكتەر جانە نەكە تۋرالى كۋالىكتەر", - دەپ حابارلادى ۆەدومستۆوداعىلار.
وسى ءىس بويىنشا تەرگەۋ ءجۇرىپ جاتىر.
فوتو اشىق دەرەككوزدەن كورنەكىلىك ءۇشىن الىندى.
