Tesla جانە SpaceX كومپانياسىنىڭ باس اتقارۋشى ديرەكتورى، ميللياردەر يلون ماسك ءوزىنىڭ قىزىقتى مارس جوبالارىمەن تانىمال. ونىڭ جوسپارىنا سايكەس، ول 2050 جىلعا دەيىن 1 ميلليون ادامدى قىزىل عالامشارعا قونىستاندىرماق. بۇل تۋرالى “ادىرنا” ۇلتتىق پورتالى Qamshy.kz سايتىنا سىلتەمە جاساپ.
ول ءۇشىن ماسكتىڭ كومپانياسى 1000 جۇلدىزكەمە جاسايتىنى حابارلاندى. ميللياردەردىڭ سوزىنە سايكەس، ءار ءبىر جۇلدىزكەمە 100 ادام الىپ جۇرە الادى. ماسك 2026 جىلعا دەيىن قىزىل عالامشارعا العاشقى ادامداردى جەتكىزەتىنىن ايتادى.
ءبىر قىزىعى، Toby Li ەسىمدى الەۋمەتتىك جەلى قودانۋشى Twitter پاراقشاسىندا "تاعدىر تۋرالى ايتا وتىرىپ، ءسىز فون براۋننىڭ 1953 جىلى شىققان «مارس جوباسى» كىتابىندا ادامداردى مارسقا اكەتەتىن يلون ەسىمدى ادامدى ايتقانىن بىلەسىز بە؟ كەرەمەت جاڭالىق" دەپ جازبا جاريالاعان.
ال، وعان يلون ماسكتىڭ ءوزى جاۋاپ قايتارىپ، "مۇنىڭ شىن ەكەنىنە سەنىمدىمىز بە؟" دەپ جازعان.
ال، Toby Li ەسىمدى Twitter قولدانۋشى كىتاپتىڭ اعىلشىن جانە نەمىس تىلىندەگى نۇسقالارى قولجەتىمدى ەكەنىن جاريالاعان.
اقپاراتقا سايكەس، 1953 جىلى بەلگىلى نەمىس عالىمى ۆەرنەر فون براۋننىڭ "مارس جوباسى" كىتابىندا قىزىل عالامشارداعى ادامزاتتى "يلون" دەپ اتالاتىن ادامنىڭ باسقاراتىنى جازىلعان
ال، ۆەرنەر فون براۋن ەكىنشى دۇنيەجۇزىلىك سوعىس كەزىندە گەرمانيانىڭ V-2 زىمىرانىن جاساۋدا ماڭىزدى ءرول اتقارعان عالىم.
سوعىستان كەيىن 1500 نەمىس عالىمىمەن بىرگە قۇپيا تۇردە امەريكا قۇراما شتاتتارىنا قونىس اۋدارىلعان. امەريكانىڭ عارىشقا ۇشاتىن قۇگىلعىلارىن زەرتتەۋگە ۇلەس قوسقان اەروعارىش ينجەنەرى. امەريكانىڭ العاشقى جەر سەرىگى جانە ايعا قونعان "اپوللون" عارىش كەمەسى فون براۋن جاساعان راكەتالارمەن ۇشىرىلعان.
براۋن "مارس جوباسى" كىتابىندا قىزىل عالامشارعا قونىستانعانداردى "يلون" دەپ اتالاتىن ادامنىڭ باسقارتىنى جازىلعان.
"مارس ۇكىمەتىن ون ادام باسقاردى، ونىڭ جەتەكشىسى جالپىعا بىردەي سايلاۋ قۇقىعىمەن بەس جىلعا سايلاندى جانە يلون قۇقىعىنا يە بولدى.
يلون مەن ونىڭ كابينەتى باسقاراتىن رارلامەنتتىڭ ەكى پالاتاسى زاڭدار شىعاردى" دەپ جازىلعان مارس جوباسى كىتابىندا.
