بەلگىلى جۋرناليست جەڭىس قۇسپان ءوزىنىڭ الەۋمەتتىك جەلىدەگى پاراقشاسىندا قىزىقتى ءبىر اقپاراتپەن ءبولىسىپتى. كەلمەسكە كەتكەن كسرو-نىڭ قازىرگى ۇرپاق بىلە بەرمەيتىن، سول زاماننىڭ ادامدارى اسا تەرەڭىنە بويلاي بەرمەيتىن تۇستارى تۋرالى اۆتوردىڭ ماتەريالى كىمگە دە بولسا، وي سالادى دەگەن ماقساتپەن نازارلارىڭىزعا ۇسىنىپ وتىرمىز.
سسسر – 3 تيىندىق گازدالعان سۋ ساتاتىن اۆتومات ەمەس، ول گۋلاگ (الجير) پەن 4 ميلليون جابىلعان جالا;
Cسسر – ول ۇكىمەت باسىنداعى الجىعاندار مەن جالپىعا ءتان كەدەيلىك;
سسسر - ول ەكىجۇزدىلىك پەن سايقالدىق. باتىس ەلدەرىن ولە جامانداسا دا شەت ەلگە شىعۋعا مۇمكىندىك – ماداقتاۋ سىيلىعى رەتىندە. ال شەتەلدىك كيىم، زات – كەز كەلگەننىڭ باسىنا قونا بەرمەيتىن باق.
سسسر – ول بالاماسى جوق جالقىلىق. كيىمدە دە، تاماقتا دا، اندە دە، ويدا دا.
سسسر - ول تاپشىلىق، بولاشاعى ءۇمىتسىز جوقشىلىق.
سسسر – ول ورتاق اسحاناسى مەن ءدالىزى ءبىر، القاش كورشىڭنەن ءومىر بويى قۇتىلا امايتىن جاتاقحانا.
سسسر – شەت ەلگە شىعۋعا تىيىم، دوللار ساتساڭ دا – تۇرمە، كوممۋنيستىك پارتيانىڭ «سارا جولىنان» تايقىساڭ دا - تۇرمە.
سسسر – ول جەكە كاسىپكەرلىككە تىيىم. كەز كەلگەن جەكە مەنشىككە تىيىم. جەكە ەشتەڭە بولماۋى ءتيىس، ال ادام وزىنە تيەسىلى ەمەس، ول – قوعامعا قىزمەت ەتۋگە مىندەتتى.
سسسر – ول ءار قادامىڭ باقىلاۋلى، جەكە پىكىر ايتۋ مەن ونى تاراتۋعا – ەركىندىك جوق زامان.
سسسر – ول وتىرىككە تولى، كولەڭكەڭنەن قورىققان قوڭىرقاي تىرشىلىك.
سسسر – ول پيونەر گالستۋگى، كومسومول جينالىسى، جەكە ءومىرىڭدى جۇرت الدىندا جينالىسقا سالىپ تالقىلاۋ مەن ايىپتاۋ، مىنەۋ، كەمسىتۋ، قورلاۋ.
سسسر – ول جەڭ ۇشىنان جالعاسقان تامىر-تانىستىقپەن قات تاۋار الۋ.
سسسر – ول بەسىكتەن بەلىڭ شىقپاي سوعىسقا، يمپەريانى قورعاۋدا ءومىرىڭدى كوزسىز قيۋعا دايىندىق.
سسسر – ول جالپىعا بىردەي تەڭدىك ۇرانىمەن ەڭبەكتىڭ قۇنسىزدىعى.
سسسر – ول ءتىس پاستاسىنا دەيىن قات بولعان ءومىر.
سسسر – ول كۇندەلىكتى تۇرمىستا قوراش ءومىر قورشاعان بەيشارالىق.
سسسر – ول ءومىر بويى بويىڭدى بيلەگەن قورقىنىش پەن ماعىناسىز، ءمانسىز ءومىر.
سسسر – ول جەكە ادام ءومىرىنىڭ تۇككە تۇرعىسىزدىعى. مەكتەپتە، ينستيتۋتتا، قىزمەتتە – جەكە ءومىرىڭنىڭ جوقتىعى.
سسسر – ول قۇلاعىڭدى كۇندە سارسىتاتىن ۇگىت-ناسيحات، دۇكەندەردەگى بىتپەيتىن كەزەك پەن بوس سورەلەر.
سسسر – ول كۇندەلىكتى ميىڭا قۇيىلاتىن سوعىس ۇرەيى، ويتكەنى اينالا تولعان جاۋ، ولار كەز كەلگەن ساتتە ۇرىس اشۋى مۇمكىن.
سسسر – ول كەز كەلگەن انكەتا سۇراعىنا "قوعام مۇددەسىن جەكە باسىمنىڭ مۇددەسىنەن جوعارى قويامىن" دەپ جازۋ.
سسسر – ول بولە-جارا، ەلدەن ەرەكشە ويلايتىن، ەرەكشە ءومىر سۇرگىسى كەلەتىن، ءبىلىمدى ادامدارعا دەگەن جەككورىنىش.
سسسر – ول قالاعان نارسەڭدى قاراپ، وقىپ، تىڭداۋ مۇمكىندىگىنىڭ جوقتىعى.
سسسر – ول دۇكەندەردەگى ەت-كولباساعا شەگى جوق كەزەك.
سسسر – ول جەكە ادامعا – سەن ەشكىم ەمەسسىڭ دەگەن كوزقاراس.
سسسر – ول ۇلتىڭ سايكەس كەلمەسە جوعارى لاۋازىمعا جەتۋ قيىندىعى.
سسسر – ول ەرتەڭگە دەگەن ءۇمىت جوقتىعى، الدامشى ءومىر.
سسسر – ول نە بولسا دا تاڭداۋدىڭ مۇلدەم جوقتىعى.
سسسر – ول باسشىنىڭ الدىنداعى جاعىمپازدىق پەن جارامساقتىقتىڭ شىرقاۋ شەگى. مىقتىلاردىڭ الدىندا قۇرداي جورعالاۋ.
سسسر – ول ەركىندىك تۇگىلى، ونداي ۇعىمنىڭ مۇلدەم جوقتىعى. بارام دەگەن جەرىڭە بارا الماي، ايتامىن دەگەنىڭدى ايتا الماي شەرمەندە وتكەن ءومىر. كۇندەلىكتى جينالىس، مىنبەدەن ايتىلعان قىزىل ءسوز، پاراد، قۇرمەت تاقتاسى – شىندىقتى بۇركەمەلەۋ جولدارى بولاتىن.
جانە اينالا تولعان جالعاندىق، وتىرىك ءمۇلايىمسۋ، مايموڭكە ءومىر.
باستىسى، سسسر - ول حالىقتاردىڭ تۇرمەسى، گۋلاگ (الجير) پەن 4 ميلليون جابىلعان جالا. ول ادامنىڭ بولمىسىن جەك كورەتىن رەجيم.
اۆتورى: الەكساندر تۆەرسكوي.
