نۇر-سۇلتان قالاسى قازاقستان حالقى اسسامبلەياسىنىڭ ۇيىمداستىرۋىمەن كورىسۋ كۇنى تويلاندى دەپ حابارلايدى «ادىرنا» ۇلتتىق پورتالى قازاقستان حالقى اسسامبلەياسىنا سىلتەمە جاساپ.
14 ناۋرىزدا ەلىمىز ناۋرىز مەيرامىنىڭ باسى كورىسۋ مەرەكەسىن اتاپ وتەدى. بۇل كۇندى امال مەرەكەسى دەپ تە ايتادى. حالىق قىستان امان-ەسەن شىققانىنا، كوكتەمگە اياق باسىپ، تۋىس-تۋعان، كورشى-كولەڭمەن جۇزدەسكەنىنە قۋانىپ، قول الىسىپ، ءتوس قاعىسادى. ءبىر-بىرىنە دەگەن ارازدىق، وكپە-رەنىشتى ۇمىتىپ، اماندىق تىلەيدى.
ەلورداداعى دوستىق ۇيىندە فانيدا مۇقاتايقىزىنىڭ جەتەكشىلىگىمەن كورىسۋ كۇنى تويلانىپ، وعان بارلىق ەتنومادەني بىرلەستىك وكىلدەرى قاتىستى. مەرەكەلىك كەشتە نۇر-سۇلتان قالاسىنىڭ «ەسىل تولقىندارى» ارداگەرلەر ءانسامبلى ءوز ونەرىن كورسەتتى.
قر پرەزيدەنتى قاسىم-جومارت توقاەۆ قازاقستاندىقتاردى كورىسۋ كۇنىمەن قۇتتىقتاي وتىرىپ:
«ەجەلدەن كەلە جاتقان اتا سالتىمىز بويىنشا جاستار وسى كۇنى ۇلكەندەرگە سالەم بەرىپ، باتاسىن الادى. جۇرت ءبىر-بىرىنە اق تىلەكتەرىن ارنايدى. بۇل - ناعىز بەرەكە-بىرلىك پەن ىرىس-ىنتىماقتىڭ مەيرامى»، - دەپ جازدى تwitter-دەگى پاراقشاسىندا.
