ءداستۇرلى ح ناۋرىز كەزدەسۋلەرى اياسىندا الماتىداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ وقۋشىسى يبراحيم امزەبەك «كوپىرشىكتى سۋدى تازارتۋ جۇيەسى» اتتى جاڭا جوباسىن تانىستىردى، دەپ حابارلايدى «ادىرنا» ءتىلشىسى.
ونلاين رەجيمدە وتكەن بيىلعى مەرەيتويلىق كەزدەسۋلەر «پلانەتا جانە پلاستيك: ادامزات ەكومادەنيەتى» تاقىرىبىنا ارنالادى.
سۋ تازارتۋ جۇيەسى ارنايى تەحنولوگيانىڭ كومەگىمەن وزەن مەن ارىقتاردا جينالعان قالدىقتاردى اۆتوماتتى تۇردە تازارتۋعا كومەكتەسەدى.
«مىسالى، مىناۋ وزەندى نەمەسە ارنانى دەپ ەلەستەتەيىك. ءبىز رەزەرۆۋاردىڭ تۇبىنە دياگونال بويىنشا تەسىكتەرى بار قۇبىر قويدىق. اۋا سورعىسىنىڭ كومەگىمەن ول جەرگە اۋا جەتكىزەدى. تۇتىكشەدەن اۋا كوپىرشىكتەرى شىعادى، وسىلايشا ولار قوقىستى ءارى قاراي وتكىزبەيدى. اعىننىڭ كومەگىمەن بارلىق قوقىستار ءبىر جەرگە جينالادى. كەيىن قالدىقتار سول جەردەن كونۆەيەردىڭ كومەگىمەن جينالادى»،- دەيدى جاس ونەرتاپقىش.
بۇگىندە دۇنيەجۇزىلىك سۋ قورلارىنىڭ لاستانۋى بۇكىل ادامزاتتى الاڭداتىپ وتىر. وسى ماڭىزدى ەكوجۇيەلەردىڭ لاستانۋى ومىرگە جانە پلانەتادا تۇششى سۋدىڭ بولۋىنا قاۋىپ توندىرەدى. وزەندەر جانە ولارمەن بايلانىستى ەكوجۇيەلەر ءبىزدى تاماق پەن وندىرىستىك پروتسەستەرگە قاجەتتى اۋىز سۋمەن قامتاماسىز ەتەدى، سوندىقتان ولار ادامنىڭ ءال-اۋقاتى ءۇشىن وتە قاجەت.
«شامامەن ەكى اپتادان كەيىن جاساندى اعىن جۇيەسى ىسكە قوسىلادى. سۋ تازارتۋعا كومەكتەسەتىن جوباممەن ءتۇرلى جارىستارعا قاتىسۋدى جوسپارلاپ وتىرمىن. جوباعا قارجىلىق تۇرعىدان قولداۋ كورسەتەتىن جان ىزدەيمىن»،- دەدى ول.
يبراحيم امزەبەك قازىر 9 سىنىپتا وقيدى. 2018-2019 جىلدارى VEX IQ سايىندا قازاقستان چەمپيونى اتاندى. سونداي-اق امەريكا قۇراما شتاتتارىندا وتكەن «Worlds VEX IQ» كونكۋرسىندا جۇلدەلى ورىن الدى.
«ادىرنا» ۇلتتىق پورتالى
