رەسەيدىڭ مۋرمانسك وبلىسىندا ۆاحتالىق ادىسپەن جۇمىس ىستەپ جاتقاندار اراسىندا توبەلەس بولدى. ولاردىڭ اراسىندا قازاقتار بار. قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى ايبەك سمادياروۆ وقيعاعا تۇسىنىك بەردى، دەپ حابارلايدى قازاقپارات.
ايتا كەتەيىك، الەۋمەتتىك جەلىلەردە مۋرمانسك وڭىرىندە قازاقتار وزگە ۇلت وكىلدەرىمەن توبەلەسكەنى تۋرالى ۆيدەولار تاراپ جاتىر.
«23 ناۋرىز كۇنى، ساعات 20:30 شاماسىندا مۋرمانسك وبلىسى بەلوكامەنكا اۋىلىنىڭ جانىنداعى ءىرىتونناجدى تەڭىز قۇرىلىمدارى ورتالىعىنىڭ قۇرىلىس الاڭدارىنىڭ بىرىندە ۆاحتالىق جۇمىسشىلاردىڭ، سونىڭ ىشىندە قازاقستان رەسپۋبليكاسى ازاماتتارىنىڭ قاتىسۋىمەن جاپپاي توبەلەس ورىن الدى.
بۇل جاعداي تۇرمىستىق وقيعا سيپاتىنا يە. كومپانيا وكىلدەرىنىڭ ايتۋىنشا، قازىرگى تاڭدا ماسەلە شەشىلىپ، قىزمەتكەرلەر قالىپتى رەجيمدە جۇمىس ىستەپ جاتىر. قولدا بار مالىمەتتەرگە سايكەس، جاراقات العاندار جانە قۇقىق قورعاۋ ورگاندارى ۇستاپ الىپ كەتكەن ازاماتتار اراسىندا قازاقستاندىقتار جوق.
قر سانكت-پەتەربۋرگتەگى باس كونسۋلدىعى ماسەلەنى ءوز باقىلاۋىندا ۇستاۋدا»، - دەدى قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى ايبەك سمادياروۆ.
