شىمكەنت قالاسىندا 6860 ادامعا كوۆيدكە قارسى ۆاكتسينا ەرىكتى تۇردە سالىندى. ونىڭ ىشىندە 4301-ءى مەديتسينا قىزمەتكەرلەرى بولسا، 2101-ءى پەداگوگتار. ال، 161-ءى پوليتسيا قىزمەتكەرلەرى مەن 299 باسقادا ساناتتاعى ازامماتتار. ينفەكتسياعا قارسى ۆاكتسيناتسيالاۋ جۇمىستارى قالاداعى 21 ەمدەۋ مەكەمەلەرىندە جۇرگىزىلۋدە. بۇعان قوسا ناۋرىز ايىنىڭ سوڭىنا دەيىن قوسىمشا 10 باستاپقى مەديتسينالىق-سانيتاريالىق العاشقى كومەك ۇيىمدارىندا ۆاكتسيناتسيا جاساۋ ءۇشىن ارنايى كابينەتتەر اشىلماق.
سانيتارلىق-ەپيدەميولوگيالىق باقىلاۋ دەپارتامەنتى دەنساۋلىق ساقتاۋ باسقارماسىمەن بىرلەسىپ، بمسك ۇيىمدارىنىڭ 450 مەديتسينا قىزمەتكەرى ءۇشىن ۆاكتسيناتسيا ماسەلەلەرى بويىنشا ترەنينگ سەمينارلار وتكىزدى. بۇدان بولەك، تۇرعىندار اراسىندا اقپاراتتىق ءتۇسىندىرۋ جۇمىستارىن جۇرگىزۋ بويىنشا ءتيىستى ءىس-شارالار جوسپارلى تۇردە جۇرگىزىلۋدە.
ۆاكتسيناتسيالاۋعا پروفيلاكتيكالىق ەگۋگە قارسى كورسەتكىشتەرى جوق ادامدار جىبەرىلەدى. ۆاكتسيناتسيا الدىندا دارىگەر ەگۋگە كەلگەن ادامدى مىندەتتى تۇردە تەكسەرەدى.
شىمكەنت قالاسى اكىمدىگىنىڭ ءباسپاسوز قىزمەتى
