بۇگىن شىمكەنت قالاسى اكىمدىگىنىڭ ۇيىمداستىرۋىمەن قالالىق سەنبىلىك ءوتتى. قالا تازالىعىن باستى نازاردا ۇستاعان مەملەكەتتىك قىزمەتشىلەر قالا كوشەلەرىن كۇل-قوقىستان تازالاپ، اعاش تۇپتەرىن اكتەدى. ارنايى كولىكتەر قوقىستاردى قالا سىرتىنا شىعاردى.
جالپى مەگاپوليس سەنبىلىك ۇستىندە. قىزۋ تۇردەگى قىرۋار ەڭبەكتەر كوشەنىڭ شىرايىنا شىراي قوسا تۇسكەندەي. بۇگىنگى تازالىق شاراسىنا قالا اكىمدىگىنە قاراستى بارلىق باسقارمالاردان 500-گە جۋىق ادام قاتىستى. ولارمەن 45,5 شاقىرىم جول جيەكتەرى، 37,3 شاقىرىم يرريگاتسيا جانە ارىق جۇيەلەرى تازالانىپ، 300 تەكشە مەترگە جۋىق كۇل-قوقىس شىعارىلدى. جۇمىسقا بارلىعى 27 تەحنيكا جۇمىلدىرىلدى.
ايتا كەتەيىك، شىمكەنتتە تۇرمىستىق قالدىقتاردى ۋاقىتىلى شىعارۋ جانە كوپقاباتتى ۇيلەردىڭ اۋلالارى مەن قوعامدىق ورىنداردىڭ تازالىعى ۇنەمى كۇن تارتىبىنەن تۇسكەن ەمەس.
شىمكەنت قالاسى اكىمدىگىنىڭ ءباسپاسوز قىزمەتى
