الماتىدا 35 جاستاعى ازامات ءوزىن مەدرەسە قىزمەتكەرى رەتىندە كورسەتىپ، قايىرىمدىلىق جاشىكتەرىنەن اقشا ۇرلاعان دەپ حابارلايدى “ادىرنا” ۇلتتىق پورتالى Polisia.kz.-كە سىلتەمە جاساپ.
باسىلىم مالىمەتىنشە، 1986 جىلى تۋعان كۇدىكتى بۇرىن وسىعان ۇقساس قىلمىس جاساعانى ءۇشىن سوتتالعان. ونىڭ شاعىن ازىق-تۇلىك دۇكەندەرىنە كەلىپ، ساداقاعا ارنالعان قوراپتاردىڭ ىشىندەگى اقشانى الاياقتىق جولمەن يەمدەنىپ العانى بەلگىلى بولدى.
«ول ءوزىن دۇكەن جۇمىسشىلارىنا مەدرەسە مۇعالىمىمىن دەپ تانىستىردى. ءبىر جەردە ول قوراپتاردى اشقان، ال اشۋى قيىن بولعان جەرلەردە قايىرىمدىلىققا جينالعان قاراجاتتى قورابىمەن بىرگە الىپ كەتكەن. تەك الاتاۋ اۋدانىندا عانا ونىڭ وسىنداي ءۇش الاياقتىققا قاتىسى بارى دالەلدەندى. قازاقستان رەسپۋبليكاسى قىلمىستىق كودەكسىنىڭ 190 بابى بويىنشا جۇرگىزىلەتىن سوتقا دەيىنگى تەرگەۋ بارىسىندا باسقا دا قىلمىستىق ەپيزودتاردىڭ انىقتالۋى مۇمكىن. قازىر كۇدىكتىنىڭ جەكە باسى مۇقيات تەكسەرىلىپ جاتىر»، – دەدى الماتى قالالىق پوليتسيا دەپارتامەنتى باسشىسىنىڭ ورىنباسارى رۇستەم ءابدراحمانوۆ.
