فەيسبۋككە» تىركەلگەن 3 ميلليون قازاقستاندىقتىڭ جەكە مالىمەتى جەلىگە تاراپ كەتكەن، دەپ حابارلايدى KZ-CERT كومپيۋتەرلىك وقيعالارعا ارەكەت ەتۋ قىزمەتى.
قولدانۋشىلاردىڭ تەلەفون ءنومىرى، ەلەكتروندى پوشتا ادرەستەرى، تۋعان كۇنى، تۋعان جەرى مەن جۇمىس ورنى جالپىعا قولجەتىمدى ينتەرنەت جەلىسىندە تۇر. وسىعان بايلانىستى اتالعان مەكەمە قازاقستاندىقتاردى مەيلىنشە ساق بولۋعا شاقىردى.
«ويتكەنى اشىق جەلىدە جاتقان اقپاراتتى الاياقتار ءوزىنىڭ ارام نيەتىن ىسكە اسىرۋ ءۇشىن قولدانۋى مۇمكىن»، – دەيدى ولار. بۇعان دەيىن 106 ەلدەگى جارتى ميلليارد Facebook قولدانۋشىسىنىڭ جەكە دەرەكتەرى ينتەرنەتكە تاراپ كەتكەنى جايلى حابارلاعان ەدىك.
