قازاقستان 12 كۇننەن بەرى "قىزىل" ايماقتا. بۇل تۋرالى دەنساۋلىق ساقتاۋ ءمينيسترى الەكسەي تسوي مالىمدەدى، - دەپ حابارلايدى «ادىرنا» ۇلتتىق پورتالى Tengrinews.kz تىلشىسىنە سىلتەمە جاساپ.
"رەسپۋبليكا 12 كۇننەن بەرى "قىزىل" ايماقتا. سونىمەن قاتار، سەگىز ءوڭىر "قىزىل" ايماقتا: نۇر-سۇلتان، الماتى قالالارى، اتىراۋ، بقو، الماتى، اقمولا، قاراعاندى جانە اقتوبە وبلىستارى.
وتكەن اپتادا "سارى" ايماققا ءتورت ءوڭىر كىردى. بۇگىندە بۇل ايماقتا سەگىز ءوڭىر: شىمكەنت قالاسى، سقو، جامبىل، ماڭعىستاۋ، قىزىلوردا، قوستاناي جانە پاۆلودار وبلىستارى.
"جاسىل" ايماقتا تۇركىستان جانە شىعىس قازاقستان وبلىستارى عانا", - دەدى مينيستر ۇكىمەت وتىرىسىندا.
الەكسەي تسوي ساۋىردە ەپيداحۋال ناۋرىزبەن سالىستىرعاندا ناشارلاعانىن ايتادى. ساۋىردە 11 كۇندە 24 955 جاعداي تىركەلگەن.
"ناۋقاستار سانى ءۇش ەسە وسكەن. ءبىر تاۋلىكتە 2800 جاعدايعا دەيىن تىركەلىپ جاتىر. ناۋقاستار سانى قوستاناي مەن تۇركىستان وبلىستارىنان باسقا وڭىرلەردە وسكەنى بايقالادى", - دەدى تسوي.
