كورونوۆيرۋس ينفەكتسياسىنا قارسى ەكپە سالدىرۋ ءالى جالعاسىن تابۋدا. بۇقارا باسىندا ۇرەيلەنگەنىمەن قازىرگى تاڭدا ارنايى ۆاكتسينا الۋشىلاردىڭ قاتارى كۇن ساناپ ارتىپ كەلەدى. «اۋىرىپ ەم ىزدەگەنشە، اۋىرمايتىن جول ىزدە» دەگەن ناقىلدى باسشىلىققا العان 32 547 وبلىس تۇرعىندارى ەكپەنىڭ ءبىرىنشى كومپونەنتىن قابىلداپ ۇلگەرگەن.
ۆاكتسينانىڭ العاشقى بولىگىن 12867 — مەديتسينا قىزمەتكەرى، 10104 – پەداگوگ، 1220 — ۋچاسكەلىك پوليتسيا قىزمەتكەرى، 117 - ستۋدەنت، 120 — مەديتسينالىق — الەۋمەتتىك مەكەمە كونتينگەنتى، 1101 – اسكەري قىزمەتكەرلەر، 722 — مەملەكەتتىك قىزمەتشى، 501 — سوزىلمالى اۋرۋلارى بار ادامدار، 5975 - باسقا تۇلعالار سالدىرعان.
اراعا 21 كۇندى سالىپ ەكىنشى بولىگىن قابىلداعان حالىقتىڭ سانى 9401-ءى قۇراپ وتىر. ءىى كومپونەنتپەن 6867 مەديتسينا قىزمەتكەرى، 2304 — پەداگوگ، 54 – ۋچاسكەلىك پوليتسيا قىزمەتكەرى، 72 –كۇش قۇرىلىمدارىنىڭ قىزمەتكەرى، 75 – مەملەكەتتىك قىزمەتكەر، 29 — باسقا تۇلعالار ۆاكتسيناتسيالانعان بولاتىن.
ىندەتكە قارسى يمۋندىق جۇيەمدى قالىپتاستىرامىن دەۋشىلەردىڭ بىرى اليا شاگياحمەت:
- كوكسۋ اۋداندىق ورتالىق اۋرۋحاناسىندا ۆيرۋسقا قارسى ەكپە سالدىردىم. بارلىعى ويداعىداي ءوتتى. تالاپتارعا ساي، الدىمەن قان قىسىمىن، دەنە قىزۋىن تەكسەرىپ، ارتىنشا ۆاكتسينانى سالدى. ەرەجە بويىنشا 30 مينۋت دارەگەرلەردىڭ باقىلاۋىندا بولدىم. ايتارلىقتاي كەرى اسەرى بولعان جوق. مامانداردا ەكپەدەن كەيىن اسقىنۋلار تىركەلمەگەن، - دەيدى ول.
وبلىس بويىنشا كۆي–عا قارسى ۆاكتسيناتسيا جۇرگىزۋگە ارنالعان 125 ەگۋ پۋنكتى جۇمىس ىستەيدى. سونىمەن قاتار 25 جىلجىمالى ەگۋ پۋنكتى ۇيىمداستىرىلىپ، بارلىق پۋنكتتەرگە توڭازىتقىش قوندىرعىسى ورناتىلعان. رەفريجەراتورلىق تيپتەگى بەلسەندى تەرموكونتەينەرلەرمەن قامتاماسىز ەتىلگەن.
ايتا كەتەيىك، جالپى الماتى وبلىسىنا 46 مىڭ 520 دوزا ۆاكتسينا كەلىپ تۇسكەن.
