سەمەيدەگى اباي مۇراجايىندا جاڭا مازمۇنداعى ەرەكشە كورمە ءوتتى دەپ حابارلايدى 24 كز.
«اباي جولى – رۋحانيات جولى» دەپ اتالاتىن ەتنوگرافيالىق كورمەدە ەلىمىزگە تانىمال سۋرەتشى، زەرگەر، كوللەكتسيونەر سەرجان ءباشىروۆتىڭ 200-گە جۋىق دۇنيەلەرى قويىلدى.
كۇمىستەن، سۇيەكتەن، باعالى تاستاردان جاسالعان اشەكەيلەر مەن ءتۇرلى كيىز ءۇي جابدىقتارى، ات ابزەلدەرى كوزدىڭ جاۋىن الادى. قازاق قىزدارىنىڭ سۇلۋلىعىن پاش ەتەتىن سىرعا، جۇزىك، بىلەزىك، شاشباۋ سياقتى بۇيىمدار ءتىپتى ەرەكشە.
ءحىح عاسىردىڭ ورتاسىنان بەرگى بۇل بۇيىمداردى اۆتور قالپىنا كەلتىرىپ قانا قويماي، جاس ۇرپاققا جاڭاشا تانىستىرۋمەن كەلەدى. بۇل جولى دا ءار جادىگەردىڭ تاريحى «اباي جولى» رومانىنان ۇزىندىلەر كەلتىرۋ ارقىلى سۋرەتتەلىپ، انمەن اسپەتتەلگەن.
سەرجان ءباشىروۆ، سۋرەتشى، زەرگەر:
- وسىدان 10 جىل بۇرىن تاعى ءبىر-ەكى رەت وقىپ شىقتىم. ول شىنىندا دا قازاقتىڭ ەنتسيكلوپەدياسى عوي، «اباي جولىن» وقىساڭ، بۇكىل قازاقتى سودان تانيسىڭ عوي. سول عاسىردىڭ ىشىندە، سول زامانعا كەلگەندەي بولاسىڭ، سول ادامداردىڭ ىشىندە جۇرگەندەي اسەر ەتەدى. سول روماندى وقىعاندا قازاقتىڭ ەتنوگرافيا تۇرمىسىن، بارلىعىن، كوپ نارسە ەسىڭە ءتۇسىپ، سونىڭ ءبارى ىقپال ەتەدى جۇمىس ىستەگەن كەزدە.
24.kz
