قر ءبىلىم جانە عىلىم مينيسترلىگى عىلىم كوميتەتىنىڭ توراعاسى بولىپ ءابدىراسىلوۆ بولاتبەك سەرىكبايۇلى تاعايىندالدى، دەپ حابارلايدى عىلىم كوميتەتىنىڭ ءباسپاسوز قىزمەتى.
بولاتبەك سەرىكبايۇلى ءابدىراسىلوۆ 1958 جىلى قىزىلوردا وبلىسى قىزىلوردا قالاسىندا تۋعان. بيولوگيا عىلىمىنىڭ دوكتورى (1997), حالىقارالىق اقپارات اكادەمياسى (1998), قازاقستان رەسپۋبليكاسىنىڭ جوعارى مەكتەبى جانە حالىقارالىق جوعارى مەكتەبى عىلىمي اكادەمياسىنىڭ اكادەميگى (2002).
قازاقستان ءبىلىم بەرۋ ءىسىنىڭ ۇزدىگى. قىزىلوردا پەداگوگيكالىق ينستيتۋتىن (1979, قازىرگى قىزىلوردا مەملەكەتتىك ۋنيۆەرسيتەتى) جانە كسرو عىلىم اكەدەمياسىنىڭ بيوفيزيكا ينستيتۋتىنىڭ اسپيرانتۋراسىن (1986) بىتىرگەن.
قازىرگى قىزىلوردا مەملەكەتتىك ۋنيۆەرسيتەتىندە دەكان، پرورەكتور جانە قىزىلوردا گۋمانيتارلىق ۋنيۆەرسيتەتىنىڭ رەكتورى قىزمەتتەرىن (1986-1998) اتقارعان.
قازاقستان رەسپۋبليكاسىنىڭ ءبىلىم جانە عىلىمي مينيسترلىگىندە دەپارتامەنت ديرەكتورى (1998). ءبىلىم جانە عىلىم سالاسىنداعى قاداعالاۋ جانە اتتەستاتتاۋ كوميتەتىنىڭ توراعاسى (2004-2007).
2007 جىلدان قازاقستان رەسپۋبليكاسىنىڭ پرەزيدەنتى اكىمشىلىگىندە جاۋاپتى قىزمەت اتقاردى. 2010 جىلى مەملەكەت باسشىسىنىڭ وكىمىمەن بولاتبەك سەرىكبايۇلى ءابدىراسىلوۆ قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ جاۋاپتى حاتشىسى قىزمەتىنە تاعايىندالدى.
2012 جىلدان بەرى قر پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى قىزمەتىن اتقارىپ كەلدى. ءابدىراسىلوۆ 40-تان استام عىلىمي ەڭبەكتىڭ، ونىڭ ىشىندە 1 مونوگرافيانىڭ اۆتورى. «قۇرمەت» وردەنىمەن (2005) ماراپاتتالعان.
"ادىرنا." كز
