QR Bılım jäne ǧylym ministrlıgı Ǧylym komitetınıŋ töraǧasy bolyp Äbdıräsılov Bolatbek Serıkbaiūly taǧaiyndaldy, dep habarlaidy Ǧylym komitetınıŋ baspasöz qyzmetı.
Bolatbek Serıkbaiūly Äbdıräsılov 1958 jyly Qyzylorda oblysy Qyzylorda qalasynda tuǧan. Biologiia ǧylymynyŋ doktory (1997), Halyqaralyq aqparat akademiiasy (1998), Qazaqstan Respublikasynyŋ joǧary mektebı jäne Halyqaralyq Joǧary mektebı ǧylymi akademiiasynyŋ akademigı (2002).
Qazaqstan Bılım beru ısınıŋ üzdıgı. Qyzylorda pedagogikalyq institutyn (1979, qazırgı Qyzylorda memlekettık universitetı) jäne KSRO Ǧylym Akedemiiasynyŋ Biofizika institutynyŋ aspiranturasyn (1986) bıtırgen.
Qazırgı Qyzylorda memlekettık universitetınde dekan, prorektor jäne Qyzylorda gumanitarlyq universitetınıŋ rektory qyzmetterın (1986-1998) atqarǧan.
Qazaqstan Respublikasynyŋ Bılım jäne ǧylymi ministrlıgınde departament direktory (1998). Bılım jäne ǧylym salasyndaǧy qadaǧalau jäne attestattau komitetınıŋ töraǧasy (2004-2007).
2007 jyldan Qazaqstan Respublikasynyŋ Prezidentı Äkımşılıgınde jauapty qyzmet atqardy. 2010 jyly Memleket basşysynyŋ Ökımımen Bolatbek Serıkbaiūly Äbdıräsılov Qazaqstan Respublikasynyŋ Bılım jäne ǧylym ministrlıgınıŋ jauapty hatşysy qyzmetıne taǧaiyndaldy.
2012 jyldan berı QR Prezidentı janyndaǧy Memlekettık basqaru akademiiasynyŋ rektory qyzmetın atqaryp keldı. Äbdıräsılov 40-tan astam ǧylymi eŋbektıŋ, onyŋ ışınde 1 monografiianyŋ avtory. «Qūrmet» ordenımen (2005) marapattalǧan.
"Adyrna." kz
