جاركەنت قالاسىنىڭ اكىمى بولات وماروۆ بەلسەندىلەردى قولداۋعا شىققان جۇرگىزۋشىلەرگە دورەكى جاۋاپ بەرگەنى ءۇشىن جاۋاپكەرشىلىككە تارتىلدى، دەپ حابارلايدى «ادىرنا» ۇلتتىق پورتالى.
«قر مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا دەپارتامەنتى الەۋمەتتىك جەلىلەرگە جۇرگىزىلگەن مونيتورينگ بارىسىندا اكىمگە قاتىستى «پروۆوكاتور سياقتى سويلەيدى» جانە «اشۋىن جاسىرمايدى جانە ارسىز سوزدەردى قولدانىپ سويلەيدى» دەگەن سەكىلدى جازبالاردى انىقتادى»، - دەدى قر مەملەكەتتىك قىزمەت ىستەرى اگەنتتىگىنىڭ ءباسپاسوز حاتشىسى ەرحان تاتكەن تەلەفون ارقىلى.
وسى دەرەكتەر بويىنشا دەپارتامەنت الماتى وبلىسى اكىمىنىڭ اپپاراتىنا ءتيىستى شارالار قابىلداۋ ءۇشىن حات جولدادى.
الماتى وبلىسى اكىمىنىڭ ادەپ جونىندەگى ۋاكىلىنىڭ 2021 جىلعى 5 مامىرداعى جاۋابى بويىنشا پانفيلوۆ اۋدانى اكىمىنىڭ 2021 جىلعى 28 ساۋىردەگى وكىمىمەن وماروۆ ب.ش. تارتىپتىك جاۋاپكەرشىلىككە تارتىلدى.
"ادىرنا" ۇلتتىق پورتالى
(فوتو: azattyq-ruhy)
