پالاتا سپيكەرى نۇرلان نىعماتۋليننىڭ توراعالىعىمەن وتكەن قر پارلامەنتى ءماجىلىسىنىڭ پلەنارلىق وتىرىسىندا دەپۋتاتتار " 1994 جىلعى 10 جەلتوقسانداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى "بايقوڭىر "كەشەنىن جالعا بەرۋ شارتىنا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى" زاڭ جوباسىن قابىلدادى، دەپ حابارلايدى «ادىرنا» ءتىلشىسى zakon.kz-كە سىلتەمە جاساپ.
جيىن بارىسىندا تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين رەسەي فەدەراتسياسىنىڭ "بايقوڭىر" كەشەنىن 20 جىلدان استام ۋاقىت بويى جالعا الىپ كەلە جاتقانىن ايتتى.
«جالعا بەرۋ تۋرالى شەشىم 1994 جىلى ەلىمىز اۋىر ەكونوميكالىق جاعدايدا عارىش ايلاعىن كۇتىپ-ۇستاۋعا جانە پايدالانۋعا مۇمكىندىگى بولماعان كەزدە قابىلداندى. جاسالعان كەلىسىمگە سايكەس، رەسەي بايقوڭىر قالاسىن جانە عارىش ايلاعىن ءوزىنىڭ عارىشتىق باعدارلامالارىن ورىنداۋ ءۇشىن پايدالانۋ قۇقىعى مەن كۇتىپ-ۇستاۋ مىندەتتەمەسىن الدى. ول 10 جىلعا ۇزارتۋ مۇمكىندىگىمەن رف-عا 20 جىلعا جالعا بەرىلدى. بۇدان بولەك "بايقوڭىر" كەشەنى جۇمىسىنىڭ ءتۇرلى ماسەلەلەرىن رەتتەيتىن 70 - كە جۋىق حالىقارالىق شارتقا قول قويىلدى", - دەپ ناقتىلادى ۆەدومستۆو باسشىسى.
مۋسين جىل سايىن رەسپۋبليكالىق بيۋدجەتكە كەشەندى پايدالانعانى ءۇشىن 115 ملن اقش دوللارى سوماسىندا جالداۋ اقىسى تۇسەتىنىن حابارلادى. ءماجىلىستىڭ بەيىندى كوميتەتىنىڭ قورىتىندىسىندا تۇسىندىرىلگەندەي، كەلىسىمنىڭ 4-بابىنا (جالداۋ مەرزىمى) وزگەرىستەر ەنگىزۋ كوزدەلىپ وتىر.
«ادىرنا» ۇلتتىق پورتالى
