بۇگىن «Nur Otan» پارتياسى شىمكەنت قالالىق فيليالىنىڭ كەزەكتى XLII ەسەپ بەرۋ-سايلاۋ كونفەرەنتسياسى ءوتتى. ءىس شارادا پارتيا فيليالى ساياسي كەڭەسى مەن باقىلاۋ-تەكسەرۋ كوميسسياسىنىڭ 2019-2020 جىلدارى اتقارعان جۇمىستارى مەن الداعى كەزەڭگە ارنالعان مىندەتتەرى ايتىلدى. بۇگىنگى كونفەرەنتسيا جۇمىسى Zoom پلاتفورماسىندا ونلاين تۇردە جۇرگىزىلدى.
كونفەرەنتسيانى اشىپ جۇرگىزگەن قالا باسشىسى، پارتيانىڭ قالالىق فيليالى توراعاسى م.ايتەنوۆ قالادا جەتەكشى پارتيانىڭ 35 مىڭعا جۋىق مۇشەسى بار ەكەنىن اتاپ ءوتتى. پارتيا مۇشەلەرى پارتيانىڭ نەگىزگى كۇشى بولىپ تابىلاتىن 49 باستاۋىش ۇيىمدارىنا توپتاسىپ ەلباسى تاپسىرمالارىن وڭىردە قارقىندى جۇزەگە اسىرىپ كەلەتىنىن جەتكىزدى.
جيىندا «Nur Otan» پارتياسى قالالىق فيليالى توراعاسىنىڭ ءبىرىنشى ورىنباسارى جانار بەكتاەۆانىڭ ەسەبى تىڭدالدى. ونىڭ ايتۋىنشا، ەسەپتى مەرزىمدە پارتيانىڭ «ارداگەرلەردى ارداقتايىق»، «كەدەرگىسىز كەلەشەك»، «باقىتتى وتباسى»، «جاستار وتانعا!»، «قۇتتى مەكەن»، «حالىققا كومەك» جوبالارى بويىنشا 151 524 ادام قامتىلىپ 1342 ءىس-شارا وتكىزىلگەن. ال پارتيا فيليالدارىنىڭ قوعامدىق قابىلداۋ بولمەلەرىنە قالا تۇرعىندارىنان 35 مىڭنان استام ءوتىنىش تۇسكەن بولسا، ولاردىڭ 22272 وڭ شەشىمىن تاپقان.
سونداي-اق، كونفەرەنتسيا بارىسىندا «Nur Otan» پارتياسى شىمكەنت قالالىق فيليالىنىڭ ساياسي كەڭەسى قۇرامىنا وزگەرىستەر مەن تولىقتىرۋلار ەنگىزىلىپ، پارتيا فيليالىنىڭ باقىلاۋ-تەكسەرۋ كوميسسياسى سايلاندى.
كونفەرەنتسيا جۇمىسىن قورىتىندىلاعان قالا اكىمى، «Nur Otan» پارتياسى شىمكەنت قالالىق فيليالىنىڭ توراعاسى مۇرات ايتەنوۆ حالىقپەن بىرلەسكەن جۇمىستى كۇشەيتۋ ماقساتىندا پارتيا اكتيۆىنە ناقتى تاپسىرمالار جۇكتەدى.
شىمكەنت قالاسى اكىمدىگىنىڭ ءباسپاسوز قىزمەتى
