ۋكراينانىڭ «ەرەجەسىز ساياسات» ساياسي توك-شوۋىنىڭ ەفيرىندە توبەلەس بولدى.
جوعارعى رادانىڭ بۇرىنعى دەپۋتاتى ولەگ بارنا «سلۋگا نارودا» فراكتسياسىنداعى ارىپتەسى دميتري سولومچۋككە جۇدىرىق الا جۇگىردى. «رەسەيلىك ۆەسنا| دونباسس|سيريا|جاڭالىقتار» telegram-ارناسىنىڭ حابارلاۋىنشا، توبەلەسكە كادىمگى داۋ سەبەپ بولعان.
ترانسلياتسيا كەزىندە ەكى ساياساتكەر اراسىندا ۋكراينا اۋماعىندا جەر نارىعىن ىسكە قوسۋدىڭ قانشالىقتى ورىندى ەكەندىگى تۋرالى داۋ تۋعان. ولار كوپ ۇزاماي ءبىر-بىرىنە اۋىر سوزدەر ايتۋدى باستاعان. ءسوزى اياقتالعاننان كەيىن بارنا ورنىنان تۇرىپ، سولومچۋكتىڭ باسىنان جۇدىرىعىمەن بىرنەشە رەت ۇرعان.
تەلەجۇرگىزۋشى ولاردى توقتاتۋعا شارا جاسادى. قارسىلاستار، ءتىپتى، ءبىر-بىرىنەن الشاقتاتىلعاننان كەيىن دە اۋىر سوزدەر ايتۋدى توقتاتقان جوق. ناتيجەسىندە ساياساتكەرلەر ستۋديانىڭ ءار ءتۇرلى باعىتتارىنا جايعاستى. سونىمەن قاتار ەفير جالعاسىن تاپتى.
"ادىرنا" ۇلتتىق پورتالى
(فوتو: cdn.segodnya.ua)