پارامەن ۇستالعان شوكەەۆتىڭ ورىنباسارىنا قاتىستى اكىمدىك تۇسىنىكتەمە بەردى

2685
Adyrna.kz Telegram

بىرقاتار باق-تا تۇركىستان وبلىسى اكىمىنىڭ ورىنباسارى مەيىرجان مىرزاليەۆتىڭ ۇستالعانى تۋرالى مالىمەت تاراپ كەتتى. اكىمدىك Facebook جەلىسىندەگى پاراقشاسىندا قاۋەسەتكە تۇسىنىكتەمە بەردى، دەپ حابارلايدى «ادىرنا» ۇلتتىق پورتالى.

ولاردىڭ ايتۋىنشا، مەيىرجان مىرزاليەۆ سىرقاتىنا بايلانىستى رەسمي تۇردە دەمالىستا ەكەن.

«تۇركىستان وبلىسى اكىمىنىڭ ورىنباسارى مىرزاليەۆ مەيىرجان يابايۇلى رەسمي تۇردە دەنساۋلىعىنا بايلانىستى ۋاقىتشا دەمالىسقا شىققان. ول "گيپەرتونيالىق كريز" دياگنوزىمەن وبلىستىق اۋرۋحانالاردىڭ بىرىندە ەم الۋدا. ارتىق تۇسىنىكتەمەلەردەن اۋلاق بولۋدى سۇرايمىز. قوسىمشا اقپارات كەيىنىرەك بەرىلەدى»، - دەلىنگەن ءباسپاسوز قىزمەتىنىڭ Facebook-تە جاريالاعان حابارلاماسىندا.

سونىمەن قاتار قازاقستاننىڭ سىبايلاس جەمقورلىققا قارسى ءىس-قيمىل اگەنتتىگى دە بۇل جاعدايعا قاتىستى مالىمدەمە جاسادى.

«مىرزاليەۆ سىبايلاس جەمقورلىققا قارسى ءىس-قيمىل اگەنتتىگىنىڭ وندىرىسىندەگى قىلمىستىق ءىس بويىنشا قورعالۋعا قۇقىعى بار كۋاگەر رەتىندە شاقىرىلدى. ول كۇدىكتى رەتىندە تانىلعان جوق، وعان قاتىستى بۇلتارتپاۋ شاراسى تاڭدالمادى»، - دەلىنگەن حابارلامادا.

"ادىرنا" ۇلتتىق پورتالى

پىكىرلەر