بيىل 1 قىركۇيەكتەن 30 قازانعا دەيىنگى ارالىقتا sanaq.gov.kz. ارنايى سايتىندا ونلاين رەجيمىندە حالىق ساناعى جۇرگىزىلەدى دەپ حابارلايدى «ادىرنا» ۇلتتىق پورتالىنىڭ ءتىلشىسى قر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنا سىلتەمە جاساپ.
اتالعان جۇيە تاۋلىگىنە 24 ساعات بويى قولجەتىمدى بولادى. كەز كەلگەن ادام ساناققا قاتىسۋ ءۇشىن وزىنە ىڭعايلى كەز-كەلگەن ۋاقىتتى تاڭداي الادى، سونداي-اق سايتتا بلانكتى تولتىرۋدى توقتاتۋ جانە ونى تولتىرۋدى كەيىن قايتا جالعاستىرۋ مۇمكىندىگى بولادى.
سونىمەن قاتار egov.kz ەلەكتروندى ۇكىمەت پلاتفورماسىندا sanaq.gov.kz سايتىنىڭ قوسىمشا پاراعى ورنالاستىرىلادى، ول ارقىلى ەلەكتروندى تسيفرلى قولتاڭبانى (ەتسق) قولدانىپ، ساناققا قاتىسۋعا بولادى.
ءموبيلدى ازاماتتار ءۇشىن «Aitu» ءموبيلدى قوسىمشاسى ارقىلى ۇلتتىق ساناققا قاتىسۋ مۇمكىندىگى ۇسىنىلاتىن بولادى.
ۇلتتىق ساناق 1 قىركۇيەكتەن 30 قازانعا دەيىنگى كەزەڭ ارالىعىندا وتەدى. وعان ونلاين رەجيمدە دە، سونداي-اق، ءداستۇرلى ءتاسىل ارقىلى دا قاتىسۋعا بولادى. بيىلعى حالىق ساناعىنىڭ ۇرانى — «قازاقستاندا اركىم ماڭىزدى! ۆ كازاحستانە كاجدىي ۆاجەن!».
ۇلتتىق ساناق كەزىندە «1446» بىرىڭعاي call-ورتالىعى جۇمىس جاسايدى.
«1446» ەلدىڭ بارلىق اۋماعىنداعى ءموبيلدى جانە ستاتسيونار تەلەفوندار ءۇشىن بىرىڭعاي ءنومىر بولادى. سونداي-اق 8 8000 800 878 ءنومىرى دە جۇمىس جاسايتىن بولادى. سall-ورتالىققا قوڭىراۋ شالۋ تەگىن.
سونداي-اق بيىل ۇلتتىق ساناق جۇرگىزۋ جۇمىستارىنا 32 مىڭنان استام ادام جۇمىلدىرىلادى. قازىرگى ۋاقىتتا 17 ايماقتان جالپى سانى 85 ادامنان تۇراتىن ۇلتتىق ساناقتى دايىنداۋ جانە وتكىزۋ جونىندەگى شتاتتان تىس بولىمدەر قۇرىلعان. بارلىق قىزمەتكەرلەرمەن ەڭبەك كەلىسىمشارتى جاسالىپ، دارەجەلەرىنە بايلانىستى 65-105 مىڭ تەڭگە ارالىعىندا ايلىق ەڭبەكاقى بەلگىلەنگەن. بۇل بولىمدەر ءوز ايماقتارى بويىنشا ساناققا دايىندىق جانە ونى وتكىزۋ بويىنشا ۇيىمداستىرۋ جۇمىستارىن جۇرگىزەدى.
«ادىرنا» ۇلتتىق پورتالى.
