اقتوبە وبلىسى تەمىر اۋدانىنىڭ "اقتوبە-استراحان" اۆتوجولىنىڭ 189 شاقىرىمىندا "رەنو داستەر" ماركالى اۆتوكولىگىنىڭ 49 جاستاعى جۇرگىزۋشىسى قارسى جولاققا شىعىپ، "كاماز-53212" ماركالى جۇك اۆتوكولىگىمەن سوقتىعىستى دەپ حابارلايدى "ادىرنا" ۇلتتىق پورتالىنىڭ ءتىلشىسى.
جول-كولىك وقيعاسى سالدارىنان "رەنو داستەر" اۆتوكولىگىنىڭ 42 جاستاعى جولاۋشىسى وقيعا ورنىندا كوز جۇمدى جانە ەكى جولاۋشى تەمىر اۋدانىنىڭ ورتالىق اۋرۋحاناسىنا جاتقىزىلدى.
تەكسەرۋ بارىسىندا پوليتسەيلەر "رەنو داستەر" اۆتوكولىگى جۇرگىزۋشىسىنىڭ وتكەن جىلى ماس كۇيىندە كولىك جۇرگىزگەنى ءۇشىن 7 جىلعا كولىك قۇرالىن باسقارۋ قۇقىعىنان ايىرىلعانىن انىقتادى.
اتالعان دەرەك بويىنشا بۇگىنگى كۇنى قر قىلمىستىق كودەكسىنىڭ 345-بابى 3-بولىگى "جول قوزعالىسى ەرەجەسىن بۇزۋ" بويىنشا سوتقا دەيىنگى تەرگەۋ جۇمىستارى جۇرگىزىلۋدە.
ادام ولىمىنە اكەپ سوققان جول-كولىك وقيعاسىن جاساعان جۇرگىزۋشى ەندى 5 جىلعا دەيىن باس بوستاندىعىنان ايىرىلۋى مۇمكىن.
"ادىرنا" ۇلتتىق پورتالى.
