الماتى وبلىسىندا 11 جاسار بالا كوپقاباتتى ءۇيدىڭ توبەسىنەن قۇلاپ قايتىس بولدى، دەپ حابارلايدى «ادىرنا» ۇلتتىق پورتالى.
بۇل وقيعا 24 مامىردا، ساعات 18:00-دە تالعار اۋدانى بەساعاش اۋىلىندا ورىن العان. كۋاگەرلەر بالانىڭ وزگە بالالارمەن ءۇيدىڭ توبەسىندە ويناپ جۇرگەنىن ايتتى. ولاردىڭ ايتۋىنشا، بالالار ءبىر ۇيدەن ەكىنشى ۇيگە ءوتىپ جاتقاندا عيماراتتار اراسىن جاۋىپ تۇرعان بوگەت بالانىڭ سالماعىن كوتەرە الماعان.
«ۇلكەندەردىڭ قاراۋىنسىز قالىپ، بالالارمەن ءۇيدىڭ توبەسىندە ويناپ جۇرگەندە ول ابايسىزدا سەيسموتەرموشۆا ارالىعىنا قۇلاپ كەتكەن. ونىڭ ەنى 60 سانتيمەتر، ۇزىندىعى 17 مەتر، بيىكتىگى 27 مەتر. بالا وقيعا ورنىندا قازا تاپتى»، - دەدى الماتى وبلىسىنىڭ توتەنشە جاعدايلار دەپارتامەنتى.
"ادىرنا" ۇلتتىق پورتالى
