بۇگىن شىمكەنت قالاسىندا جاستار رەسۋرستىق ورتالىعىنىڭ ۇيىمداستىرۋىمەن 1 ماۋسىم - حالىقارالىق بالالاردى قورعاۋ كۇنى قارساڭىندا «بالالارعا باقىت سىيلا!» ءىس-شاراسى ءوتتى. وعان الەۋمەتتىك جاعدايى تومەن، از قامتىلعان جانە كوپ بالالى وتباسىدان شىققان 5-12 جاس ارالىعىنداعى 40 بالا قاتىستى.
يگى شارانىڭ ماقساتى بۇلدىرشىندەرگە مەرەكەلىك كوڭىل-كۇي سىيلاۋ، تانىمدىق ورىستەرىن كەڭەيتۋ بولىپ تابىلادى.
ەكسكۋرسيا بارىسىندا بالالارعا «شىمقالا» تاريحي-مادەني كەشەنى تانىستىرىلىپ، زووباقتى ارالاتتى. ويىن الاڭشاسىنداعى اتتراكتسيوندارعا ويناتىپ، ارنايى سىيلىقتار تابىستالدى.
مۇنداي ءىس-شارا ەرتەڭ دە جالعاسىن تابادى.
شىمكەنت قالاسى اكىمدىگىنىڭ ءباسپاسوز قىزمەتى
