قاشىقتىقتان وقىتۋدىڭ ءتيىمسىز تۇسى كوپ ەكەنىن جاقسى بىلەمىز. اسىرەسە، بۇل جاعداي اقىلى وقيتىن ستۋدەنتتەردىڭ ۇلكەن ماسەلەسى بولماق، سەبەبى تولەپ جاتقان اقشاعا ولار قاناعاتتانارلىق ءبىلىم الىپ، ستۋدەنتتىك ءومىردى ءسۇرىپ جاتقان جوق. ءيا، قاشىقتىقتان وقىپ تا ءبىلى الۋعا بولادى دەپ ويلايتىن شىعارسىزدار. بۇل قاتە پىكىر، “شىمشىق سويسا دا، قاساپشى سويسىن” دەگەن ءسوز بار. دەمەك ءبىز ءبىلىمدى بارلىق ستاندارتقا ساي، وقىپ جاتقان جەرىمىزدەن، ۇستازدارىمىزدى كورىپ، بارشا سۋدەنتتەردىڭ الدىندا ورتاعا شىعىپ، سول اۋرانى سەزىنىپ، ءدارىستى تىڭداپ، ەركىندىكتى سەزىنىپ، ءوزىمىزدى كورسەتۋىمىز كەرەك. كۇنىنە 7 ساباق بولسا، 7-ساعات تەلەفونعا تەلمىرىپ، اپاي مەنى كورىپ تۇرعان جوق ەكەن دەگەن ويمەن، ايتقاندى قۇلاققا ىلمەي، جاسىرىنىپ جۇرە بەرگەنىمىز دە اقىلعا قونىمسىز ارەكەت. قاشىقتىقتان وقۋ ارقىلى ستۋدەنتتەردىڭ اراسىنداعى باسەكەلەستىك، جارىس، ۇمتىلىس سىندى دۇنيەلەر جوعالىپ، ونىڭ ورنىنا جالقاۋلىق، بىرىزدىلىك، ياعني دايىن دۇنيەنى ينتەرنەتتەن وقىپ بەرۋ ياكي وقىتۋشىنىڭ ءدارىسىن قايتالاپ ايتۋ سياقتى جامان قاسيەتتەر مەن ادەتتەر قالىپتاسا باستايدى.
بايلانىسقا شىعۋ ءۇشىن، قاشىقتىقتان وقۋ ءۇشىن اۋاداي قاجەت جەلى(سەت) جاعىمىز اقساپ تۇر، ودان كەيىن جاقسى قوسىمشا(پريلوجەنيا) جوق، بىرىمەن ساباققا كىرىپ ءدارىس تىڭداساڭ، بىرىمەن تاپسىرما جىبەرەسىڭ، ەندى بىرىمەن سول ءدارىستى ايتاسىڭ، باس-باسىنا ءبىر-ءبىر قوسىمشادان، سونىڭ بارلىعىن ءبىر قوسىمشاعا ەندىرىپ ستۋدەنتتەرگە ۇسىنا الماعاندىعى. بۇنىڭ ءبارى ستۋدەنتكە عانا ەمەس، ەرتەڭ ەل بولاشاعىنا دا زيانىە تيگىزەدى، ويتكەنى بۇل جاعدايدا ءبىلىم العان ديپلوم يەسى جاقسى مامان بولىپ، ەلىمىزدى دامىتۋى ەكىتالاي.
جالپى ستۋدەنتتىك ءومىر - بۇل ادامنىڭ ەسىندە قالاتىن وتە جارقىن شاقتارىنىڭ ءبىرى، الايدا 5-6 جىلدان كەيىن ءبىزدىڭ ستۋدەنتتىك شاعىمىز... دەپ اڭگىمە باستاعاندا ايتار قىزىق، تىلگە تيەك ەتەر ءسات بولماسا ءتىپتى قيىن.
