اسكەرگە كەتىپ، جۇمباق جاعدايدا قايتىس بولعان ساربازدىڭ سوت ءىسى تاعى بۇرمالاندى

3661
Adyrna.kz Telegram

رەداكتسيامىزعا وتان الدىنداعى مىندەتىن قالقىسىز اتقارۋعا نيەت ەتىپ، اسكەرگە كەتكەن، الايدا، سارباز اتانباي جاتىپ جۇمباق جاعدايدا قايتىس بولعان قالباي الىبەك سالاماتۇلىنىڭ تۋىسقاندارىنان حات كەلدى. بۇعان دەيىن دە "ادىرنا" ۇلتتىق پورتالى ساربازدىڭ ولىمىنە قاتىستى ءجۇرىپ جاتقان سوت ءىسىنىڭ انىق-قانىعى جايلى جازعان ەدى. مارقۇمنىڭ تۋىستارىنىڭ ايتۋىنشا، قىلمىستىق ءىس ءجىتى زەرتتەلمەگەن. ايىپتالۋشى تاراپتىڭ ايتار ءۋاجى كوپ، ولار ادىلدىكتى تالاپ ەتىپ، قر قورعانىس ءمينيسترى مەن باس اسكەري پروكۋرورعا باعىتتاپ ۇندەۋ جولدادى، دەپ حابارلايدى "ادىرنا" ۇلتتىق پورتالى. 

رەداكتسيامىزعا كەلگەن حاتتا اۆتور كۋلماگامبەتوۆ سالامات :

- 2022 جىلدىڭ 22 ساۋىرىندە جۇمباق جاعدايدا قايتىس بولعان جاس سارباز كالباي الىبەك سالاماتۇلىنىڭ سوتى جالعاسىن تاپتى. جامبىل وبلىسى گۆاردەيسكي قالاشىعى 30212 اسكەرى بولىمىندە ساپتا تۇرعان جەرىندە 18 جاسقا ەندى تولعان بالامىز «انت» قابىلداماستان قايتىس بولدى. قايتىس بولعان بالامىزعا قاتىستى گۆاردەيسكي قالاشىعىنىڭ تەرەگەۋ ءبولىمى ءۇش ايدان سوڭ ءىستى سوتقا جولدادى. سوتقا مەنىڭ قايتىس بولعان بالاممەن بىرگە بارعان جاس ساربازدى كىنالى ەتىپ تانىپ، قازىرگى كەزدە جالعىز سارباز امانجۋلوۆ ايبولات سوتتالۋشى ورىندىعىندا وتىر.

الماتى اسكەرى گارنيزونىمەن باستالعان سوت وتىرىسى ءبىرىنشى ساتىدان تامىز ايىندا اسكەري پروكۋراتۋراعا قايتا جولدانعان بولاتىن. اتالعان قىدمىستىق ءىس ەكى اي ۋاقىت قايتا قارالىپ، قازىرگى كەزدە الماتى قالاسى بويىنشا اسكەري گارنيزونى سوتىنا سۋديا راحمەتوۆانىڭ تابىستالدى. اتالعان قىلمىستىق ىستە قايتادان سوتتالۋشى ورىندىعىندا وتىرعان ا.امانجۋلوۆقا بۇتكىل ايىپتى جۇكتەگەن.

ءىس بويىنشا باسقا كۇدىكتىلەر تانىلماعان. قىلمىستىق ىستە ساراپشىلار قورىتىندىسىمەن 18 جەرىنەن جاراقات الىپ قايتىس بولعان قالباي الىبەكتى جالعىز سارباز امانجۋلوۆ ايبولات ۇرىپ سودان العان سوققىدان قايتىس بولدى دەگەنگە كىم سەنەدى؟ ەشكىمدە وعان سەنبەيدى. ايىپتاۋ تاراپى پروكۋرورلارى ءبىر ساربازدىڭ ۇرعانىنان قايتىس بولعان دەگەن ايىپپەن ايىپتاۋ تاراپى مەن قوسا جابىرلەنۋشى تاراپتارى دا سەنەر ەمەس، - دەپ جازعان.

مۇنىمەن قوسا العاندا، ايىپتالۋشى تاراپ ادىلدىكتى تۋ ەتىپ، بالاسىنىڭ اتقارۋشى تاراپ وكىلدەرى مەن جوعارعى بيلىككە ناقتى تالاپ قويادى:

-قورعانىس ءمينيسترى تاراپىنان قىلمىستىق ءىستى  جەڭىل-جەلپى قاراپ وتىرعان اسكەري پروكۋرورلارىنا قاتىستى ءىستىڭ ءمان جايىنا نازار اۋدارىپ قاداعالاۋعا الۋلارىڭىزدى;

-اسكەري پروكۋراتۋراعا جامبىل وبلىسى گۆاردەيسك قالاشىعى 30212 اسكەري بولىمشەسى بويىنشا قارالعان قىلمىستىق ءىستى سوتقا وتكىزىپ وتىرعان اسكەري پروكۋروراتۋرا قاتىستى ءىستى ءوزىڭىزدىڭ باقىلاۋىڭىزعا الۋدى سۇرايمىز، - دەلىنگەن حاتتا.

"ادىرنا" ۇلتتىق پورتالى

 

پىكىرلەر