فوتو: ەرا
The Wall Street Journal باسىلىمىنىڭ مالىمەتىنشە، دونالد ترامپ اكىمشىلىگى تاياۋ شىعىستاعى اسكەري كونتينگەنتتى ۇلعايتۋ جوسپارىن تالقىلاپ جاتىر.
دەرەككوزدىڭ حابارلاۋىنشا، پەنتاگون 10 مىڭعا دەيىن قوسىمشا اسكەري قىزمەتشىنى، ونىڭ ىشىندە جاياۋ اسكەر بولىمدەرى مەن برونەتەحنيكانى جىبەرۋ نۇسقاسىن قاراستىرۋدا.
بۇل شەشىم ايماقتا بۇرىننان ورنالاسقان امەريكالىق كۇشتەر اياسىندا قارالىپ وتىر. ولاردىڭ قاتارىندا شامامەن 5 مىڭ تەڭىز جاياۋ اسكەرى بار.
ازىرگە جاڭا بولىمشەلەردىڭ ناقتى قاي ەلدەرگە نەمەسە ايماقتارعا ورنالاستىرىلاتىنى ناقتىلانباعان. سونىمەن قاتار، ۆاشينگتون يرانعا قاتىستى اسكەري ارەكەتتەر مەن جاعدايدىڭ دامۋ ستسەناريلەرىن قاتار باعالاۋدا.
ۇقساس جاڭالىقتار
