فوتو: Andrew Harnik/Getty Images
اقش پرەزيدەنتى دونالد ترامپ كونگرەسكە وتكەن ارالىق سايلاۋدىڭ ناتيجەلەرىنە قاتىستى پىكىر ءبىلدىرىپ، ونىڭ ەلدىڭ دامۋىنا كەرى اسەر ەتكەنىن مالىمدەدى. سونداي-اق ول امەريكالىق قور نارىعىنداعى كۇرت قۇلدىراۋعا نازار اۋداردى. بۇل تۋرالى ول Truth Social الەۋمەتتىك جەلىسىندەگى پاراقشاسىندا جازعان، دەپ حابارلايدى “ادىرنا”.
«وتكەن سايلاۋدىڭ ناتيجەلەرى امەريكا ءۇشىن تاريحتاعى وراسان زور كەرى قادام بولدى. ءتىپتى ترامپ تۇسىندا زىمىرانداي جوعارىلاعان قور نارىعى ءبىر كۇندە 3 تريلليون دوللار جوعالتتى. بىراق الاڭداماڭىزدار، ءبىز بۇرىنعىدان دا قۋاتتى ءارى مىقتى بولىپ قايتا ورالامىز»، – دەپ جازدى دونالد ترامپ.
ايتا كەتەيىك، اقش-تا 3 قاراشا كۇنى كونگرەسكە ارالىق سايلاۋ وتكەن بولاتىن. سايلاۋ بارىسىندا سەناتتىڭ ۇشتەن ءبىرى مەن وكىلدەر پالاتاسىنىڭ تولىق قۇرامى، سونداي-اق 36 شتات پەن اۋماقتىڭ گۋبەرناتورلارى سايلانعان. سونىمەن قاتار جەرگىلىكتى ءوزىن-ءوزى باسقارۋ ورگاندارىنا دا داۋىس بەرۋ وتكىزىلگەن.
قازىرگى ۋاقىتتا كونگرەستىڭ قوس پالاتاسىندا دا رەسپۋبليكاشىلدار باسىمدىققا يە. الايدا سايلاۋ قورىتىندىسى بويىنشا جاڭادان جاساقتالاتىن 120-شى شاقىرىلىمداعى كونگرەستىڭ سەناتى مەن وكىلدەر پالاتاسىندا دەموكراتتار كوپشىلىك ورىنعا يە بولادى.
جاڭا شاقىرىلىمداعى كونگرەسس 2027 جىلعى 3 قاڭتاردا جۇمىسىن باستايدى.
