«قازاقستاندىق ازەربايجاندىقتار اسسوتسياتسياسى» رەسپۋبليكالىق قوعامدىق ۇيىمنىڭ توراعاسى، قر پارلامەنت ءماجلىسىنىڭ VII شاقىرىلىم دەپۋتاتى ءابىلفاس حامەدوۆتىڭ ازەربايجان رەسپۋبليكاسىنىڭ ۇلىق مەيرامى - جەڭىس كۇنىنە وراي مالىمدەمەسى
بيىل ازەربايجان مەن كۇللى تۇركى جۇرتى قاراباق جەڭىسىنىڭ 6 جىلدىق مەرەيتويىن اتاپ وتۋدە.
كۇللى الەمگە ايان بولعانداي 44 كۇنگە سوزىلعان وتان سوعىسىندا قول جەتكىزىلگەن بۇل تاريحي جەڭىسكە ازەربايجان پرەزيدەنتى، جوعارعى باس قولباسشى يلحام اليەۆ پەن ازەربايجان شەيىتتەرى مەن ارداگەرلەرىنىڭ ەرلىگىنىڭ، ازەربايجان حالقىنىڭ بىرلىگى مەن ىنتىماعىنىڭ ارقاسىندا قول جەتكىزىلدى.
بۇل جەڭىس – ۇلتتىق ماقتانىش پەن تاريحي ادىلەتتىلىكتىڭ قالپىنا كەلۋىنىڭ سيمۆولى بولىپ تابىلادى.
وسى ءبىر قاستەرلى كۇندە ءبىز دە ازەربايجاننىڭ ەگەمەندىگى مەن اۋماقتىق تۇتاستىعى جولىندا جانىن قيعان شەيىتتەردىڭ جارقىن رۋحىنا تاعزىم ەتىپ، ولاردىڭ ەرلىگىن اسا تەرەڭ قۇرمەتپەن ەسكە الامىز.
44 كۇنگە سوزىلعان وتان سوعىسى پروتسەسىندە ازەربايجان حالقى ءبىر جۇدىرىقتاي جۇمىلىپ، بىرلىكتىڭ جارقىن ۇلگىسىن كورسەتتى.
وسى ءبىر اتاۋلى كۇنگە وراي قازاقستانداعى ءازىربايجان ءحالوى جانە ءوزىمنىڭ اتىمنان ازەربايجان پرەزيدەنتى يلحام اليەۆتى جانە بارشا ازەربايجان حالقىن 8 قاراشا – جەڭىس كۇنىمەن شىن جۇرەكتەن قۇتتىقتايمىن!
بۇل تاريحي وقيعا ۇزاق جىلدارعا سوزىلعان قاقتىعىستىڭ اياقتالۋىنا جول اشىپ، وڭىردە بەيبىتشىلىك، ءوزارا تۇسىنىستىك پەن تۇراقتىلىقتى نىعايتۋدىڭ بەرىك نەگىزىن قالادى.
ازەربايجان حالقىنىڭ دانالىعى مەن مەملەكەت باسشىسى يلحام اليەۆتىڭ كورەگەن ساياساتىنىڭ ارقاسىندا بۇگىندە ءوڭىر بەيبىتشىلىك پەن تۇراقتىلىق كەڭىستىگىنە اينالدى.
قۇرمەتتى يلحام گەيدارۇلى!
ۇلى جەڭىس كۇنىمەن شىن جۇرەكتەن قۇتتىقتاۋىمدى قابىل الىڭىز!
سىزگە زور دەنساۋلىق، جاۋاپتى مەملەكەتتىك قىزمەتىڭىزگە تولاعاي تابىس، ال ازەربايجان حالقىنا باياندى بەيبىتشىلىك پەن وركەندەۋ تىلەيمىن.
قازاقستان پرەزيدەنتى قاسىم-جومارت توقاەۆ اتاپ وتكەندەي، ءسىزدىڭ دانا ءارى بەدەلدى باسشىلىعىڭىزدىڭ، سونداي-اق جۇرگىزىپ وتىرعان ستراتەگيالىق باعىتىڭىزعا بۇكىل حالىقتىڭ قولداۋىنىڭ ارقاسىندا ازەربايجان بۇۇ جارعىسىنىڭ نەگىزگى قاعيداتتارى مەن حالىقارالىق قۇقىق نورمالارىنا سايكەس ءوزىنىڭ اۋماقتىق تۇتاستىعىن قالپىنا كەلتىرىپ، مەملەكەتتىلىكتى نىعايتۋ مەن ورنىقتى دامۋ تاريحىندا جاڭا بەلەس اشتى.
ءوز كەزەگىندە قازاقستان مەن ازەربايجان اراسىنداعى ستراتەگيالىق ارىپتەستىك پەن وداقتاستىق قاتىناستار قارقىندى دامىپ كەلەدى.
ەكى ەل اراسىنداعى باۋىرلاستىقتىڭ جارقىن ۇلگىسى رەتىندە 2021 جىلدىڭ 10-12 قىركۇيەگى ارالىعىندا قازاقستاننىڭ پارلامەنتتىك دەلەگاتسياسى ازەربايجان رەسپۋبليكاسىنا، سونىڭ ىشىندە شۋشا جانە قاراباق ايماعىنا رەسمي ساپارمەن باردى. قر پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتورايىمى ايگۇل قۇسپان باستاعان دەلەگاتسيا قۇرامىندا ارىپتەستەرىم دارحان مىڭباي مەن ءامىرحان راقىمجانوۆپەن قاتار ءوزىم دە بولدىم.
ازەربايجان پارلامەنتىنىڭ وكىلدەرىمەن وتكەن ەكى جاقتى كەزدەسۋلەردە قاراباق پەن شۋشا قالاسىنداعى قالپىنا كەلتىرۋ جۇمىستارىمەن تانىسىپ، قازاقستاندىق كومپانيالاردىڭ بۇل ايماقتى قايتا قۇرۋعا قاتىسۋ مۇمكىندىكتەرىن تالقىلادىق.
وسىنداي جارقىن ءارى تاريحي كەزدەسۋلەردىڭ ماڭىزىنا نازار اۋدارا وتىرىپ، ءبىز - «قازاقستانداعى ازەربايجاندىقتار اسسوتسياتسياسى» رەسپۋبليكالىق قوعامدىق ۇيىمى رەتىندە باۋىرلاس ءارى وداقتاس ەل اراسىنداعى ىنتىماقتاستىڭ قارقىندى دامي بەرۋىنە شىن جۇرەكتەن تىلەكتەستىگىمىزدى بىلدىرەمىز.
ۇلى جەڭىس كۇنى قۇتتى بولسىن!
ءابىلفاس حامەدوۆ
«قازاقستاندىق ازەربايجاندىقتار اسسوتسياتسياسى» رەسپۋبليكالىق قوعامدىق ۇيىمنىڭ توراعاسى
