«Qazaqstandyq äzerbaijandyqtar assosiasiiasy» Respublikalyq qoǧamdyq ūiymnyŋ töraǧasy, QR Parlament Mäjlısınıŋ VII şaqyrylym deputaty Äbılfas Hamedovtyŋ Äzerbaijan Respublikasynyŋ ūlyq meiramy - Jeŋıs künıne orai mälımdemesı
Biyl Äzerbaijan men küllı türkı jūrty Qarabaq jeŋısınıŋ 6 jyldyq mereitoiyn atap ötude.
Küllı älemge aian bolǧandai 44 künge sozylǧan Otan soǧysynda qol jetkızılgen būl tarihi jeŋıske Äzerbaijan Prezidentı, Joǧarǧy Bas qolbasşy İlham Äliev pen äzerbaijan şeiıtterı men ardagerlerınıŋ erlıgınıŋ, äzerbaijan halqynyŋ bırlıgı men yntymaǧynyŋ arqasynda qol jetkızıldı.
Būl Jeŋıs – ūlttyq maqtanyş pen tarihi ädılettılıktıŋ qalpyna keluınıŋ simvoly bolyp tabylady.
Osy bır qasterlı künde bız de Äzerbaijannyŋ egemendıgı men aumaqtyq tūtastyǧy jolynda janyn qiǧan şeiıtterdıŋ jarqyn ruhyna taǧzym etıp, olardyŋ erlıgın asa tereŋ qūrmetpen eske alamyz.
44 künge sozylǧan Otan soǧysy prosesınde äzerbaijan halqy bır jūdyryqtai jūmylyp, bırlıktıŋ jarqyn ülgısın körsettı.
Osy bır atauly künge orai Qazaqstandaǧy äzırbaijan halöy jäne özımnıŋ atymnan Äzerbaijan Prezidentı İlham Älievtı jäne barşa äzerbaijan halqyn 8 qaraşa – Jeŋıs künımen şyn jürekten qūttyqtaimyn!
Būl tarihi oqiǧa ūzaq jyldarǧa sozylǧan qaqtyǧystyŋ aiaqtaluyna jol aşyp, öŋırde beibıtşılık, özara tüsınıstık pen tūraqtylyqty nyǧaitudyŋ berık negızın qalady.
Äzerbaijan halqynyŋ danalyǧy men memleket basşysy İlham Älievtıŋ köregen saiasatynyŋ arqasynda bügınde öŋır beibıtşılık pen tūraqtylyq keŋıstıgıne ainaldy.
Qūrmettı İlham Geidarūly!
Ūly Jeŋıs künımen şyn jürekten qūttyqtauymdy qabyl alyŋyz!
Sızge zor densaulyq, jauapty memlekettık qyzmetıŋızge tolaǧai tabys, al äzerbaijan halqyna baiandy beibıtşılık pen örkendeu tıleimın.
Qazaqstan Prezidentı Qasym-Jomart Toqaev atap ötkendei, Sızdıŋ dana ärı bedeldı basşylyǧyŋyzdyŋ, sondai-aq jürgızıp otyrǧan strategiialyq baǧytyŋyzǧa bükıl halyqtyŋ qoldauynyŋ arqasynda Äzerbaijan BŪŪ Jarǧysynyŋ negızgı qaǧidattary men halyqaralyq qūqyq normalaryna säikes özınıŋ aumaqtyq tūtastyǧyn qalpyna keltırıp, memlekettılıktı nyǧaitu men ornyqty damu tarihynda jaŋa beles aşty.
Öz kezegınde Qazaqstan men Äzerbaijan arasyndaǧy strategiialyq ärıptestık pen odaqtastyq qatynastar qarqyndy damyp keledı.
Ekı el arasyndaǧy bauyrlastyqtyŋ jarqyn ülgısı retınde 2021 jyldyŋ 10-12 qyrküiegı aralyǧynda Qazaqstannyŋ parlamenttık delegasiiasy Äzerbaijan Respublikasyna, sonyŋ ışınde Şuşa jäne Qarabaq aimaǧyna resmi saparmen bardy. QR Parlamentı Mäjılısınıŋ Halyqaralyq ıster, qorǧanys jäne qauıpsızdık komitetınıŋ töraiymy Aigül Qūspan bastaǧan delegasiia qūramynda ärıptesterım Darhan Myŋbai men Ämırhan Raqymjanovpen qatar özım de boldym.
Äzerbaijan parlamentınıŋ ökılderımen ötken ekı jaqty kezdesulerde Qarabaq pen Şuşa qalasyndaǧy qalpyna keltıru jūmystarymen tanysyp, qazaqstandyq kompaniialardyŋ būl aimaqty qaita qūruǧa qatysu mümkındıkterın talqyladyq.
Osyndai jarqyn ärı tarihi kezdesulerdıŋ maŋyzyna nazar audara otyryp, bız - «Qazaqstandaǧy äzerbaijandyqtar assosiasiiasy» Respublikalyq qoǧamdyq ūiymy retınde bauyrlas ärı odaqtas el arasyndaǧy yntymaqtastyŋ qarqyndy dami beruıne şyn jürekten tılektestıgımızdı bıldıremız.
Ūly Jeŋıs künı qūtty bolsyn!
Äbılfas Hamedov
«Qazaqstandyq äzerbaijandyqtar assosiasiiasy» Respublikalyq qoǧamdyq ūiymnyŋ töraǧasy
Halyq jazuşysy Mūhtar Şahanov qazaqstandyqtardy kele jatqan 15 qazan – Qazaq tılı künımen qūttyqtady
