Qazaqstan Prezıdenti Qasym-Jomart Toqaev Qazaqstan halqy jáne óz atynan Kýba prezıdenti Mıgel Marıo Dıas-Kanel Bermýdesti jáne Kýba halqyn azattyq kúnimen quttyqtady. Bul týraly Aqorda jazdy, dep habarlaıdy “Adyrna” ulttyq portaly.
Aıta ketsek, 1 qańtar – Kýba Respýblıkasynyń azat bolý kúni. 1959 jyldan beri kýbalyqtar osy kúndi atap ótedi.
"Egemendik pen teńdikti bárinen joǵary baǵalaıtyn elińiz búginde óziniń saıası jáne ekonomıkalyq turaqtylyǵy men halyqaralyq bedelin nyǵaıtýda aıtarlyqtaı jetistikterge jetýde. Otandastaryńyzǵa ári qaraı da óz maqsattaryna qol jetkizýge tilektespin. Qazaqstannyń Karıb basseınindegi eń jaqyn jáne senimdi seriktesi Kýbamen ekijaqty qarym-qatynasymyz aldaǵy ýaqytta da halqymyzdyń ıgiligine tereńdeı túsetinine senimdimin", – delingen jedelhatta.
